एउटै परिवारको ससहयोगमा अनाथ आश्रम सञ्चालन



एउटा परिवारको मायाले बूढीगंगा नगरपालिका–२ मा १० जना अनाथ बालबालिकाले आश्रय मात्र पाएका छैनन्, अभिभावकत्व पाउँदा हर्षित बनेका छन् ।

बाजुरा बूढीगंगा नगरपालिका साविकको ब्रह्मतोला गाविस–१ मा काका बहादुर थापा र भतिज गणेश थापाको परिवारले विगत तीन वर्षदेखि अनाथ बालबालिकाको स्याहार गर्दैआएका छन् । उनीहरुलाई खान, बस्नदेखि शिक्षा, स्वास्थ्यमा थापा परिवारले सहयोग पु¥याएको छ ।

घरमै अनाथ बालबालिकाका लागि आश्रम बनाइएको छ । आश्रम नजिकै रहेको वसन्त बालमैत्री प्राथमिक विद्यालयमा १० बालबालिका अध्ययन गर्दै आएका छन् । प्राविका प्रधानाध्यापक बहादुर थापा कन्सर्न बाजुराका अध्यक्ष हुनुहुन्छ । थापाकी पत्नी सावित्री थापाले बालबालिकाकोे स्याहारसुसार तथा संरक्षण गर्दै आउनुभएको छ ।

आश्रममा बसेका सबै बालबालिकाका आमाबुबा छैनन् । सम्बन्धित गाविसको सिफारिसपछि आश्रममा राखिएको संस्था निर्माण कर्ता गणेश थापाले बताउनुभयोे । आश्रममा चारजना बालबालिका ब्रह्मतोलाका, दुई जयवागेश्वरीका दुई कैलाशमाडाँैका हुन् ।

उनीहरुको लालनपालन, शिक्षा, स्वास्थ्यका लागि मासिक रुपमा तीस हजारभन्दा बढी खर्च हुने गर्दछ । आश्रममा रहेका बालबालिका चारदेखि नौ वर्ष उमेरका छन् । हालसम्म आश्रम सञ्चालनमा करिब तीन लाख खर्च भइसकेको कन्सर्न बाजुराका महासचिव पदम भण्डारीले बताउनुभयो ।

यसवर्ष अनाथ बालबालिकाका लागि पूर्व उद्योगमन्त्री कर्णबहादुर थापाले संसद् विकास कोषबाट रु दुई लाख र ब्रह्मतोला गाविसले २५ आँै गाउँपरिषद्बाट रु एक लाख १० हजार भवन निर्माणका लागि छुट्याइएको छ ।

अनाथ बालबालिकाका लागि महिला तथा बालबालिका कार्यालयबाट रु दुई लाख ८६ हजारको एक कार्यक्रम सञ्चालन गरिएको छ । संस्थालाई खाने सामग्री र कपडाका लागि अमेरिकामा बस्ने यज्ञबहादुर राना र पदमबहादुर शाही लगायतले रु ७० हजार बराबरको सहयोग गर्नुभएको छ ।

प्रतिक्रिया दिनुहोस
बाढीले बीपी राजमार्ग अवरुद्ध, एक महिला बेपत्ता

    अविरल वर्षाका कारण बिपी राजमार्गको माप्तीस्थित रोशी खोलाको बाढीले सोमबार राति

पुल भासिएपछि पूर्वपश्चिम राजमार्ग अवरुद्ध, वैकल्पिक बाटो सञ्चालन

     पूर्वपश्चिम राजमार्ग अन्तर्गत पूर्वी नवलपरासीमा पुल भासिएको छ । पूर्व नवलपरासीको

सरकारको नीति तथा कार्यक्रम पारित

    सरकारको वार्षिक नीति तथा कार्यक्रम प्रतिनिधिसभाको बहुमतबाट पारित भएको छ ।

मार्सी चामल मैले पनि चाखेको छु : प्रधानमन्त्री

     प्रधानमन्त्री केपी शर्मा ओलीले संसद्‌मा कर्णालीको मार्सी चामलको चर्चा गरेका छन्