स्तकालयमा रु पाँचलाख बढीको अक्षयकोष
पोखरा लेखनाथ महानगरपालिका– ५ मालेपाटनस्थित सूर्यचन्द्र विकास समाजद्वारा सञ्चालित शहीद स्मृति पुस्तकालयमा रु पाँच लाख नौ हजार १०१ को अक्षयकोष स्थापना गरिएको छ ।
पुस्तकालय सञ्चालनका लागि ११ जना विभिन्न महानुभावबाट अक्षयकोषमा सहयोग प्राप्त भएको समाजका निवर्तमान अध्यक्ष वसन्त भण्डारीले जानकारी दिनुभयो ।
अक्षयकोष स्थापनाका लागि डा भरतबहादुर खत्रीबाट रु एक लाख ११ हजार १११ , विष्णुप्रसाद–ऋृषिराम बरालबाट रु एक लाख एक हजार १०५, हेरम्बप्रसाद कोइरालाबाट रु ५१ हजार १११, दुर्गादत्त ढुंगानाबाट रु ५० हजार १०५ सहयोग प्राप्त भएको छ ।
त्यस्तै गोविन्दबहादुर खत्रीबाट रु ३० हजार, महानगर वडा नं– ५ का वडाध्यक्ष धनबहादुर नेपाली, विश्वराज अधिकारी, लक्ष्मण कोइराला, कृष्णप्रसाद बराल, बाबुराम पौडेल र सुनिल खड्काबाट जनही रु २५ हजार १०५, दिनबन्धु भुर्तेलबाट रु २५ हजार १५५ अक्षयकोषमा प्राप्त भएको भण्डारीले जानकारी दिनुभयो ।
उहाँका अनुसार पुस्तकालयलाई महानगरकै एक नमूना पुुस्तकालय बनाइने र अक्षयकोषको राशिलाई बढाएर रु १५ लाखसम्म पु¥याइनेछ ।
