प्रहरी गुट बन्दीमा लागेको र एक अर्कालाई हतियार बनाएर सिध्याउने खेल चलेको बन्दै गृह मंत्री जनार्दन शर्माले आक्रोश पोखेका छन। प्रहरी मुख्यालय बाहिर उच्च अधिकारीहरुले हौवा फिजाउने उद्येश्य सहितको प्रोपोगान्डा शाखा चलाउने गरेको भन्दै त्यसलाई तुरुन्त बन्द गर्न निर्देशन दिएका छन। उनले त्यसैमा थप्दै भने – प्रहरीमा कम्युटर र सञ्चार बाहेक अर्को एउटा शाखा छ, हरेकका उपल्लास्तरका प्रहरीले सञ्चालन गर्ने प्रोपोगान्डा शाखा त्यो शाखा बाहिर छ हरेकका आफ्ना अफिस र कर्मचारी त्यहां छन्, त्यो शाखा बन्द गर्नुस् चलाउन पाईंदैन ।’ प्रहरीका केहि अधिकारि जनार्दन बिरुध्द मोर्चाबन्दीमा छन् त्यसैलाई इन्गीत गर्दै मन्त्रीले उक्त कुरा बताएको प्रहरी अधिकारीलेनै बताएका छन्। ५९ औं प्रहरी संचार दिवसको अवसरमा प्रहरी प्रधान कार्यालय नक्शालमा आयोजित कार्यक्रमलाई सम्वोधन गर्दै मन्त्री शर्माले सो कुरा बताएका हुन ।
एआईजी, डिआईजी र एसएसपीको बढुवामा नियतबस कसैलाई अन्याय नगरिएको बताउदै उनले बढुवा सिफारिस गर्दा कतिपय मर्कामा परेको आफूलाई जानकारी भएको बताए । प्रहरी संगठनका हरेकको दिमाग सरुवा र बढुवामा बढी चासो हुने भएकाले समस्या सिर्जना हुने गरेको उनले बताए । उनले प्रहरी तालिम केन्द्रले अनुसन्धानको क्षेत्रमा पनि काम गर्नुपर्ने धारणा राखे । बढुवामा असन्तुष्टी राख्ने प्रहरीको एक जमात मंत्रीको आलोचना गर्दै हिडिरहेको छ।प्रहरी प्रमुख प्रकाश आर्यललाई मंत्री शर्माले आराजकता मचाउने प्रहरीलाई कारबाही गर्न समेत भनेका छन।
