मकवानपुर प्रहरीद्धारा ७० लाखको अवैध सुन बरामद

 

हेटौंडा–मकवानपुर प्रहरीले भन्सार छली गरी ल्याएको ७० लाख ५९ हजार रुपियाँ बराबरको अबैध सुन सहित एक भारतियलाई पक्राउ गरेको छ ।  इलाका प्रहरी कार्यालय पशुपतिनगरको प्रहरी टोलिले हेटौंडा उपमहानगरपालिका–१५ स्थित रातामाटे चेकपोष्टबाट काठमाडौंबाट बिरगंञ्जतर्फ जांदै गरेको ना.१.ज. ४०२९ को टाटा सुमो चेकका क्रममा भारत बिहारथाना रक्सौलका ३५ वर्षिय को सुमन कुमारलाई सुन सहित पक्राउ गरिएको जिल्ला प्रहरी कार्यालय मकवानपुरका प्रहरी नायब उपरिक्षक बामदेव गौतमले बताए । भन्सार छली अबैध ढङ्गले ल्याएको एकसय ३० तोला ( १ किलो ५सय १६ ग्राम) सुन सहित कुमारलाई पक्राउ गरेको प्रहरी नायब उपरिक्षक बामदेव गौतमले जानकारी दिए । बरामद गरिएको सुन आवश्यक कारवाहीको लागी राजश्व अनुसन्धान बिभाग मध्यमाञ्चल क्षेत्रीय कार्यालय पथलैया, बारा पठाइएको जिल्ला प्रहरी कार्यालय मकवानपुरले जनाएको छ ।