उत्तरपुस्तिका हराएकाहरुको पुनः परिक्षा

काठमाडौँ । गत पुस महिनामा परिक्षा दिएका १९५ परिक्षार्थीको उत्तरपुस्तिका हराएकोमा पुनः परिक्षा हुने भएको छ । त्रिवि परीक्षा बोर्डले उत्तरपुस्तिका हराएका विद्यार्थीले ३१ असारमा पुनः परीक्षा दिनुपर्ने समय तोकेको हो ।

आंगिक क्याम्पस पब्लिक युथका एमबिएस प्रथम वर्षका विद्यार्थीको उत्तरपुस्तिका हराएको थियो । विद्यार्थीहरूले पुनः परीक्षा नदिने अडान राखे पनि अर्को विकल्प नभएका कारण पुनः परीक्षा हुने भएको पब्लिक युथ क्याम्पसका सहायक क्याम्पस प्रमुख बलराम थापाले जनाएस्का छन् ।

उस्तरपुस्तिका नभेटिएपछि त्रिवि परीक्षा नियन्त्रण कार्यालयले अनुपस्थित भनेर अरू विद्यार्थीको नतिजा सार्वजनिक गरेको थियो ।