चुनाबमा भयो बेहाल, कमल थापाको एमाले फकाउने चाल
काठमाडौँ । स्थानीय तहको निर्वाचनमा राप्रपा देशभरी फेल खाएपछि एमालेसँग हारगुहार गर्न थालेको छ । विभिन्न बहानामा एमालेलाई फकाउन कमल थापा लागेको छन् । । राप्रपाले एमालेविना दुईतिहाइ पुगेर संशोधन भए पनि कार्यान्वयन गर्न जटिल हुने भन्दै ‘कर्मकाण्डी’ कार्यमा भाग नलिने संकेत गरेको हो ।
स्थानीय तहको निर्वाचनमा न्यून स्थान मात्र विजय हासिल गरेको राप्रपाको सदनमा भने राम्रै उपस्थिति रहेको छ ।
राष्ट्रिय प्रजातन्त्र पार्टीले प्रमुख प्रतिपक्षी एमालेविना सरकारले संसद्मा संविधान संशोधन प्रस्ताव निर्णयार्थ पेस गरे आफू सहभागी नहुने संकेत गरेको छ । राप्रपा अध्यक्ष कमल थापाले शनिबार प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डसँगको भेटमा एमालेविना प्रक्रियामा लगिने संशोधन प्रस्तावमा आफ्नो पार्टी सहभागी नहुने जनाउ दिएको निकट नेताहरूलाई बताएका छन् ।
