बाम्कामा गयो डरलाग्दो पहिरो,सत्रवटा पसल बगायो

हाम्रो इकोनोमि

बाजुराको बुढिगंगा नगरपालिकास्थित बाम्का बजारमा पहिरो जाँदा १७ वटा पसल भासिएको छ । करिब तीन सातादेखि अविरल परेको बर्षाको कारण बुढिगंगास्थित साँफे- मार्तडी सडकखण्डमा पहिरो गएको हो ।

सदरमुकाम मार्तडीबाट १ दिनको पैदल दुरीमा रहेको सो स्थानमा गएराति पहिरो गएको थियो । पहिरोको कारण सडक अवरुद्ध हुँदा उद्दारको लागि सुरक्षाकर्मीको टोली आज दिउँसो मात्र घटनास्थल पुगेको बताइएको छ ।

अविरल बर्षाको कारण जमिन भासिन थालेपछि पहिरो गएको स्थान नजिकै रहेको मानविय वस्ती पनि जोखिममा परेको छ । जमिन भासिने क्रम नरोकिए ठुलो मानविय क्षती हुन सक्ने बताइएको छ ।