खाजा खर्च बचाएर बाढीपीडितलाई सहयोग

पोखरा । पोखरा लेखनाथ महानगरपालिकाको नदीपुरस्थित माउन्ट अन्नपूर्ण माविका नर्सरीदेखि कक्षा १२ सम्म पढ्ने ७६० विद्यार्थीले आफ्नो खाजा खर्च बचाएर बाढीपीडितलाई ४० हजार सहयोग गरेका छन् ।

महानगरको सिम्पानीबजारमा बस्दै आएका गोपालबहादुर रानाको डेरामा यही असार १७ गते राति भीषण वर्षासँगै आएको बाढीले सरसामान, लत्ताकपडालगायत सबै बगाएको थियो ।

सो विद्यालयमा ३२ वर्षदेखि सहचालकका रुपमा काम गर्दै आउनुभएका बाढीपीडित रानालाई शिक्षक र कर्मचारीले ३५ हजार ५००, विद्यालयले २० हजार तथा प्राचार्य सइन्द्र श्रेष्ठले सात हजार सहयोग गरेका थिए ।