द्वन्द्वमा मारिने र बेपत्ताको संख्या थपिदै



हाम्रो इकोनोमि

काठमाडौँ । माओवादीको सशस्त्र द्वन्द्वको समयमा मृत्यु तथा बेपत्ता हुनेको संख्या अहिले पनि थपिने गरेको छ । कार्यदलपिच्छे थपिने गरेकाले बढ्ने क्रम देखिएको हो । पछिल्लो पटक गठन भएको पाँचौँ कार्यदलसम्म आइपुग्दा मृतक तथा बेपत्ता हुनेको संख्या १९ हजार ८ सय ६ पुगेको छ।

यसअघिको कार्यदलले मृतक र बेपत्ताको संख्या १७ हजार ८ सय ८६ तोकेको थियो। पछिल्लो पटक सीतादेवी यादव शान्तिमन्त्री हुँदा रामचन्द्र घिमिरेको संयोजकत्वमा कार्यदल बनाएकी थिइन्। कार्यदलमा सुभाषचन्द्र यादव, सुनिता रेग्मी, धर्मबहादुर केसी र वृषराज गुरुङ सदस्य थिए । द्वन्द्वका क्रममा १ फागुन ०५२ देखि ५ मंसिर ०६३ सम्म मारिएका र बेपत्ता भएकाहरुको तथ्यांक राखिएको शान्ति मन्त्रालयअन्तर्गतको राहत तथा पुनस्स्थापना इकाइका निमित्त प्रमुख देवराज जोशीले बताएका छन् ।

द्वन्द्वका क्रममा १० हजार ९ सय ९६ जना घाइते भएका छन्। घाइतेलाई उपचार खर्चवापत बढीमा एक लाख रुपैयाँसम्म दिइने जोशीले बताए। ८२ हजार ६ सय ६१ घरपरिवार विस्थापित भएका थिए । उनीहरूलाई प्रतिपरिवार २५ हजारका दरले राहत दिइने भएको छ । सरकारैपिच्छे गठन हुने कार्यदलले आशंका उब्जिएको चौथो कार्यदलका संयोजक दीपेन्द्र पुन ‘सिजल’ले बताए। द्वन्द्वमा मृत्यु तथा बेपत्ता भएका व्यक्ति छुट्नु र दोहोरिनुहुँदैन नहुने हो तर कार्यदलै पिच्छे फरक फरक आंकडा राख्नाले राज्यलाई व्याभार बढेको छ ।

वास्तविक छानबिन गरेर मात्र संख्या किटान गरिनुपर्छ। सरकारले द्वन्द्वमा मारिएका परिवारलाई १० लाख दिने व्यवस्था गरेको छ । यसअघि ५ लाख लिइसकेका पीडित परिवारले थप ५ लाख रुपैयाँ पाउने भएका छन् । राहतका लागि ८ अर्ब ७१ करोड ६२ लाख १० रुपैयाँ निकासा भइसकेको छ । सरकारले पहिलो किस्तामा एक लाख, दोस्रो किस्तामा दुई लाख र तेस्रो किस्तामा दुई लाख गरी प्रतिव्यक्ति पाँच लाख रुपैयाँ राहत दिइसकेको छ।

 

प्रतिक्रिया दिनुहोस
नबिल बैंकको आयकर योगदान ३१ अर्ब ९३ करोड

     नबिल बैंकले स्थापना भएदेखि आर्थिक वर्ष २०८२/८३ सम्म सरकारलाई ३१ अर्ब...

आधिकारिक कांग्रेस हामी हौँ : विमलेन्द्र निधी

    नेपाली कांग्रेसका इतर पक्षका नेता विमलेन्द्र निधीले पार्टीको १५औँ महाधिवेशनको तयारी...

स्थानीय चुनाव वैशाखमा, प्रदेशको मंसिरमा गर्ने आयोगको प्रस्ताव

   निर्वाचन आयोगले स्थानीय तहको निर्वाचन वैशाखमा र प्रदेशको निर्वाचन आगामी मंसिरमा गर्ने...

तोलामा १२ हजार दुई सयले घट्यो सुनको भाउ

    स्थानीय बजारमा आज सुनचाँदीको मूल्य घटेको छ । आज सुन प्रतितोला...