उपनगरपालिका पदाधिकारीले पदभार ग्रहण गरे
नेपालगन्ज । नेपालगन्ज उपमहानगरपालिकाका नवनिर्वाचित प्रमुख डा. धवलशम्शेर राणाले आजदेखि आफ्नो पदभार ग्रहण गर्नुभएको छ ।
त्यसैगरी उपप्रमुख उमा थापामगर, वडाध्यक्ष र सदस्यले पनि आजैदेखि आआफ्नो पदभार सम्हाल्नुभएको छ ।
नगरपालिका परिसरमा आयोजित समारोहमा मुख्य निर्वाचन अधिकृत तेजप्रसाद पौडेलले नगर प्रमुख, उपप्रमुख, वडाध्यक्ष र सदस्यलाई शपथ ग्रहण गराएर प्रमाणपत्र प्रदान गर्नु भएपछि उहाँहरुले पदभार सम्हाल्नु भएको हो ।
नगर प्रमुख, उपप्रमुखसमेत नेपालगन्ज उपमहानगरपालिकाको कूल २३ वडाबाट ११७ जना जनप्रतिनिधि निर्वाचित भएका छन् । त्यस अवसरमा नवनिर्वाचित प्रमुख राणा र उपप्रमुख मगरले जनतालाई गरेको वाचा र नगरको आवश्यकताअनुसार आफूहरुले काम गर्ने विश्वास दिलाउनुभयो ।
