घरघरमा पुग्ने भयो सामाजिक सुरक्षा भत्ता
काठमाण्डौं । देलेखको नौमुले गाउँपालिकाले घरघरमा पुगेर सामाजिक सुरक्षा भत्ता दिने भएको छ । जेष्ठ नागरिक तथा अशक्तलाई सहयोग पुग्ने भन्दै घरघरमा भक्ता पुर्याउने गाउँ कार्यपालिकाले निर्णय गरेको हो ।
जेष्ठ नागरिक र अशक्तलाई वडा कार्यालय सम्म आउँदा सास्ती बेहोर्नुपर्ने भएका कारण उनीहरुको सहयोगको लागि घरघरमै भत्ता पुर्याइदिने निर्णय गरेको नौमुले गाउँपालिकाका एक सदस्यले बताए । ति सदस्यका अनुसार अब गाउँपालिकाका सम्बनिधत वडाका कर्मचारीहरुले सम्बनिधत व्यक्तिलाई भेटेर घरमै भत्ता वापत पाउने रकम दिने छन् ।
सरकारले सामाजिक सुरक्षा भत्ता बैंक खाता मार्फत भन्ने कार्यक्रम ल्याइरहेका बेला नौमुले गाउँपालिकाले भने यस्तो निर्णय गरेको हो ।
