आज राती देखी मट्टितेल, पेट्रोल, डिजेल र ग्यासको मूल्य घट्दै , कुन काे मुल्य कति ?

नेपाल आयल निगमले आइतबार राति १२ बजेबाट लागू हुने गरि खाना पकाउने ग्यास, पेट्रोल, डिजेल र हवाई इन्धनको मूल्य घटाएको छ । खाना पकाउने ग्यासमा प्रतिसिलिण्डर २५ रुपैयाँ, पेट्रोलमा प्रतिलिटर २ रुपैयाँ, डिजेलमा प्रतिलिटर २ रुपैयाँ र हवाई इन्धनमा प्रतिलिटर ४ रुपैयाँका दरले मूल्य घटाइएको निगमका प्रवक्ता सीताराम पोखरेलले जानजकारी दिएकाछन् ।

अन्तराष्ट्रिय बजारमा इन्धनको मूल्य घटेपछि निमगले पनि नेपालमा इन्धनको मूल्य समायोजन गरेको हो । घटेको मूल्य अनुसार ग्यासको मूल्य प्रतिसिलिण्डर रु. १३५० रुपैयाँ, पेट्रोल प्रतिलिटर ९८ रुपैयाँ, डिजेल प्रतिलिटर ७४ रुपैयाँ, मट्टीतेल प्रतिलिटर ७४ रुपैयाँ तथा हवाई इन्धन आन्तरिक ८२ रुपैयाँ र अन्तराष्ट्रियतर्फ ७३ रुपैयाँ प्रतिलिटर कायम भएको छ ।