बराहपोखरी गाउँपालिकामा काँग्रेस विजयी
खोटाङ । दक्षिणी क्षेत्रमा पर्ने बराहपोखरी गाउँपालिकाका अध्यक्षमा नेपाली काँग्रेसका शालिकराम बञ्जरा विजयी हुनुभएको छ ।
उहाँले एक हजार ९७१ तथा उहाँका निकटतम प्रतिस्पर्धी नेकपा (एमाले)का गणेशप्रसाद कोइरालाले एक हजार ७३२ मत प्राप्त गर्नुभएको निर्वाचन अधिकृतको कार्यालयले जनाएको छ ।
गाउँपालिका उपाध्यक्षमा भने एमालेकी गोमा मगर एक हजार ८४४ मत ल्याएर विजय हासिल गरेको जनाइएको छ मगरका निकटतम प्रतिस्पर्धी काँग्रेसकी निर्मला राईले एक हजार ७०० मत ल्याउनुभएको छ ।
