५ उपमहानगरपालिकामा एमालेको जित सुनिश्चित
काठमाडौँ । पहिलो चरणको स्थानीय निर्वाचनमा ३ महानगरपालिका सहित दर्जनौ उपमहानगरपालिका र गाउँपालिकामा जित हासिल गरी पहिलो पार्टी बनेको नेकपा एमाले दोस्रो चरणको निर्वाचनमा पनि लगभग पहलो पार्टी बन्ने निश्चित भएको छ ।
दोस्रो स्थानीय निर्वाचनमा पनि नेकपा एमालेले कांग्रेसको किल्ला तोड्दै पहिलो पाटीए बन्ने निश्चित देखिएको हो ।
अहलेसम्मको नतिजा हेर्दा घोराही उपमहानगरपालिकामा एमालेका नरुलाल चौधरी १२७४४ मतका साथ अग्रता लिईरहेका छन् । प्रतिद्धन्दी ९३०७ मतले पछ्याईरहेको छन् ।
तुल्सीपुर उपमहानगरपालिकामा एमालेका घनश्याम पाण्डे ६८८७ मतले अग्रता लिईरहेका छन् भने उनका प्रतिद्धन्दी कांग्रेसका महेन्द्र गिरीले ४८६५ ले पछ्याईरहेका छन् । बुटवल उपमहानगरपालिकामा एमालेका शिवराज सुवेदी ८२३६ मतले अग्रता लिईरहेका छन् भने कांग्रेका खेलराज पाण्डेले ७५८४ मतले पछ्याईरहेका छन् । त्यस्तै इटहरी उपमहानगरपालिकामा द्धारीकालाल चौधरीले ५४३३ मत ल्याएका छन् भने उनको प्रतिद्धन्दी कांग्रेसका रोहित प्रसाईले ५३०४ मतले पछ्याईरहेका छन् । धरान उपमहानगरपालिकामा पनि तारा सुव्बा अगाडी रहेका छन् । अहिले सम्म पाँच उपमहानगरपालिकामा ऐमालेको अग्रता कायम छ ।
