तिनाहुँ र पूर्वखोला गाउँपालिकामा एमाले विजयी
रामपुर (पाल्पा) । तिनाहुँ गाउँपालिका र पूर्वखोला गाउँपालिकाका अध्यक्षमा नेकपा (एमाले) विजयी भएको छ ।
तिनाहुँ अध्यक्षमा एमालेका यमबहादुर घर्ती दुई हजार आठ सय १९ मत ल्याई विजयी हुनुभएको छ । उहाँका निकटतम प्रतिस्पर्धी नेपाली काँग्रेसका महेन्द्र पाण्डेयले दुई हजार सात सय सात मत ल्याउनुभएको छ ।
गाउँपालिकाका उपाध्यक्षमा एमालेका दमन्ती थापा विजयी हुनुभएको छ । उहाँले दुई हजार आठ सय ७५ मत ल्याउनुभएको छ भने उहाँका निकटतम प्रतिस्पर्धी काँग्रेसका मन कार्कीले दुई हजार छ सय ८६ मत पाउनुभएको छ ।
त्यस्तै पूर्वखोला अध्यक्षमा एमालेका नुनबहादुर थापा आठ हजार आठ सय ३६ मत ल्याएर विजयी हुनुभएको छ । उहाँका निकटतम प्रतिस्पर्धी काँग्रेसका झमनराज मगरले एक हजार ३२ मत ल्याउनुभएको छ ।
गाउँपालिका उपाध्यक्षमा एमालेका भागीरथी भट्टराई पाँच हजार चार सय मत ल्याई विजयी हासिल गर्नुभएको छ । उहाँका निकटतम प्रतिस्पर्धी काँग्रेसका पुष्पा गाहाले एक हजार एक सय ४३ मत पाउनुभएको छ । दुई नगरपालिका र आठ गाउँपालिका रहेको पाल्पामा अन्य स्थानीय तहको मतगणना जारी छ ।
