काठमाडौँ । पूर्व प्रधानमन्त्री तथा एमाले अध्यक्ष केपी शर्मा ओली बिहीबार चलचित्र रातो घर हेर्न बिग मुभिज पुगे । चलचित्र हेरेर बाहिरीने क्रममा चलचित्रका बारेमा बोल्दै ओलीले रातो घर निकै कमेडियन र रमाइलो रहेको बताए । छेउमा उभिएका रातोघरका अभिनेता तक्मेतर्फ हेर्दै ओलीले रातोघरको झकमले भन्दा तक्मेबुढा कै भूमिकाले आफ्नो मन जितेको प्रतिक्रया दिएका थिए ।
उनले रातो घर जस्ता उत्कृष्ट चलचित्रले नेपालीलाई स्वदेशी चलचित्र हेर्ने बानीको विकास गराउने बताए । राम्रो र समसामायिक कथाबस्तु समेटेर निर्माण भएका चलचित्रले दर्शकको मन जित्ने समेत उनको भनाइ थियो । साथै ओलीले आफ्नो बोलीका कारण धेरैले अभिनेता बन्न सफल भएको बताउँदै उनले आफुलाई अभिनय गर्न भने नआउने तर सिधा र प्रष्ट कुरा गर्न मन पर्ने बताए ।
ओलीले भने, ’मलाई अभिनय गर्न आउँदैन म सिधा र प्रष्ट कुरा गर्न रुचाउछु, ओलीको प्रतिकृया थियो ।
