प्रधानमन्त्रीमा निर्वाचित कांग्रेस सभापति शेरबहादुर देउवाले पहिलो चरणमा सानो मन्त्रिमण्डलसहित पद तथा गोपनियताको सपथ लिने भएका छन्।
कांग्रेका एक नेताका अनुसार आफूसँगै देउवाले पार्टी नेता गोपालमानसिंह श्रेष्ठलाई उपप्रधान तथा शिक्षा, ज्ञानेन्द्रबहादुर कार्कीलाई अर्थ, फरमुल्लाह मन्सुर श्रम तथा रोजगार मन्त्रीमा नियुक्त गर्ने भएका छन्।
वरिष्ठ नेता रामचन्द्र पौडेल पक्षले सरकारमा सम्मानजनक स्थान नपाए नाम नदिने अडान लिएर बसेपछि सभापति देउवाले पौडेल पक्षबाट कुनै व्यक्तिको नाम आज समावेश गरेका छैनन्।
त्यसैगरी माओवादीबाट उपप्रधान तथा परराष्ट्र मन्त्रीमा कृष्णबहादुर महरा, जनार्दन शर्मा गृह र प्रभु शाहलाई विनाविभागीय मन्त्रीमा पद तथा गोपनियताको सपथ दिलाउने भएका छन्।
त्यसैगरी फोरम लोकतान्त्रिकका अध्यक्ष विजयकुमार गच्छदारलाई उपप्रधान स्थानीय विकास मन्त्रीमा नियुक्त गर्ने तयारी भइरहेको छ।
