देउवाले सुशासन कायम गर्न सक्दैनन् : नेता नेपाल
काठमाडौँ । नेकपा एमालेका वरिष्ठ नेता माधव कुमार नेपालले देउवाले देशमा सुशासन कायम गर्न नसक्ने बताउनुभएको छ । आज प्रेस चौतारी नेपालले आयोजना गरेको अन्तरसम्बाद कार्यक्रममा बोल्दै उहाँले देउवाले पैसाका लागि जे पनि गर्न सक्ने भएकोले देशको सुशासन कायम गर्न नसक्ने बताउनुभएको हो ।
यस अगाडि तीन पटकसम्म प्रधानमन्त्रीको कार्यवहार सम्हालेका देउवाले पैसाका लागि जे पनि गर्न सक्ने व्यक्तिका रुपमा देखाइसकेका हुँदा यसपटक पनि देउवाबाट सोही व्यवहार दोहोरिने वरिष्ठ नेता नेपालले टिप्पणी गर्नुभएको हो ।
पहिलो चरणको निर्वाचनमा शक्ति र सत्तााको दुरुपयोग हुँदाहुँदै पनि एमाले पहिलो पार्टीको रुपमा उदाएको बताँउदै नेता नेपालले तराईमा पनि एमाले पहिलो पार्टी बन्ने दाबी गर्नुभयो । अर्काे प्रसंगमा उहाँले सरकारलाई एमालेले र गुण र दोषको आधारमा समर्थन गर्ने बताउनुभयो ।
नेता नेपालले संविधान संशोधन र चुनाव चिन्ह मधेसी नेताहरुको माग नभएको तर यो विषय कस्ले उचालिरहेको छ भन्ने पनि थाहा नभएको बताउनुभयो ।
