देउवासँगै सात मन्त्रीले शपथ लिँदै
काठमाडौँ । नवनिर्वाचित प्रधानमन्त्री शेरबहादुर देउवाले बुधबार पद तथा गोपनीयताको शपथ लिएलगत्तै अरु सात मन्त्रीले पनि बुधबार नै शपथ लिने भएका छन् । दिउँसो १ः५० मा राष्ट्रपति कार्यालयमा शितल निवासमा देउवाले प्रधानमन्त्रीको शपथ लिने तालिका छ ।
माओवादी बैठक बस्दै
नेपाली काँग्रेसका सभापति शेरबहादुर देउवा नेतृत्वको सरकारमा सहभागी गराउने मन्त्रीहरुको चयन गर्न नेकपा माओवादी केन्द्रको हेडक्वाटर बैठक बालुवाटारमा बस्दैछ ।
सात मन्त्रीले शपथ लिने
देउवा नेतृत्वमा पहिलो पटक काँग्रेसका चार मन्त्रीले शपथ लिने तयारी भएको छ । काँग्रेसबाट गोपालमान श्रेष्ठ, ज्ञानेन्द्रबहादुर कार्की, फरमुल्लाह मन्सुर र कमला पन्तले शपथ लिनेछन् । माओवादी केन्द्रबाट कृष्णबहादुर महराको चर्चा चले पनि गृहमन्त्रीमा महराका साथै टोपबहादुर रायमाझी र शक्ति बस्नेत पनि आकांक्षी देखिएका छन् ।
