दुबईमा मारिइन् सिन्धुपाल्चोककी युवती

काठमाडौँ । यूएईको दुबईमा नेपाली युवतीको हत्या भएको छ । सिन्धुपाल्चोक, भोताङ–८ की २५ वर्षीया लप्साङ तामाङको मे २० मा हत्या भएको नेपाली दूतावासले जनाएको छ । यो समाचार कान्तिपुर दैनिकले छापेको छ ।

दुबई प्रहरीले हत्यामा संलग्न आशंकामा भोताङ ८ कै बुले तामाङलाई पक्राउ गरेको छ । घटनाको छानबिन भइरहेकाले प्रहरीले पूर्ण विवरण दिएको छैन । लप्साङको शव ‘इमिरेट्स हिल’ मा फेला परेको थियो ।