काठमाडौंको सीडीओ फेरिए, कारण यस्तो छ

काठमाडौं । गृह मन्त्रालयका प्रवक्ता बालकृष्ण पन्थीलाई काठमाडौंको प्रमुख जिल्ला अधिकारीमा सरुवा गरिएको छ । काठमाडौं प्रमुख जिल्ला अधिकारी हिमनाथ दवाडीले उमेर हदका कारण अवकाश पाएपपछि सो पद १० जेठदेखि रिक्त थियो ।

काठमाडौंको सीडीओमा सरुवा भएका पन्थी गृह मन्त्रालयको प्रवक्ता एवं शान्ति सुरक्षा महाशाखाको प्रमुख थिए ।

पन्थी डोल्पा, बझाङ, पर्वत, सल्यान, पाल्पा, सिराहा, नवलपरासी, रुपन्देही, बारा र काभ्रेको प्रमुख जिल्ला अधिकारी भइसकेका छन् । पन्थी काठमाडौंको सीडीओ भएपछि शान्ति सुरक्षा महाशाखाको प्रमुखमा ललितपुरका सिडिओ दीपक काफ्लेलाई सरुवा गरिएको छ ।

जधानी दैनिकबाट