केपी ओली-कमल थापाबीच वार्ता
काठमाडौं । प्रधानमन्त्री निर्वाचनमा विपक्षमा उभिन एमालेले गरेको आग्रहराई राष्ट्रिय प्रजातन्त्र पार्टीले अस्वीकार गरिदिएको छ ।
सिंहदरबारस्ति एमालेको संसदीय दलको कार्यालयमा शुक्रबार दिउँसो अध्यक्ष केपी ओली र राप्रपाका अध्यक्ष कमल थापाबीच भएको वार्तामा कांग्रेस–माओवादी केन्द्रको गठबनधनको विपक्षमा उभिने विषयमा छलफल भएको हो । ओलीले वर्तमान सरकारलाई असयोग गर्ने दलहरूको मोर्चामा आउन थापासँग आग्रह गरेका थिए ।
एमाले अध्यक्ष ओलीसँगको वार्तापछि सम्वाददाताहरूसँग कुरागर्दै राप्रपा अध्यक्ष कमल थापाले एमालेले आफ्नो हठ् त्याग्नुपर्ने बताए । उनले भने, ‘एमालेले पनि संसद चल्न दिनुपर्छ । हठ त्याग्नु पर्छ । भरतपुरको मतगणना सुरुचारु गर्नुपर्छ ।’
भरतपुरमा च्यातिएका मतपत्रलाई बदर गर्ने कानूनी व्यवस्था रहेको भन्द्र अध्यक्ष थापाले भने, ‘च्यातिएका मतपत्रलाई बदर गरेर मतगणना गर्न सकिन्छ । यही सुझाव दिएको छु ।’
प्रधानमन्त्री निर्वाचनका विषयमा अध्यक्ष थापाले भने, ‘संसद अबरोध भएको अवस्थामा सूचनाबाट प्रधानमन्त्रीको निर्वाचन प्रक्रिया अगाडि बढाउन सकिन्छ । त्यो कानूनी व्यवस्था छ । तर, एमालेले सदन चल्न दिनुपर्छ भनेको छु ।’
सरकार गठनका बेला राप्रपाले के गर्छ भन्ने प्रश्नमा अध्यक्ष थापाले भने, ‘अहिले नै यही हुन्छ भन्ने छैन । तर, पार्टीमा सरसल्लाह गरेर प्रधानमन्त्री निर्वाचनमा कांग्रेसलाई सहयोग गर्ने अवस्था रहन सक्छ ।’दैनिक नेपाल
