पथरी शनिश्चरे– १ र बाजुरा गौमूलमा एमाले विजयी
उर्लाबारी (मोरङ) । मोरङको पथरी शनिश्चरे नगरपालिका वडा नं– १ को वडाअध्यक्षमा नेकपा एमालेका बाबुराम याङदेनले एक हजार ५२९ मत ल्याएर विजयी हुनुभएको छ ।
उहाँका निकटतम प्रतिद्वन्द्वी स्वतन्त्र उम्मेदवार धनकुमार तामाङले एक हजार १११ मत प्राप्त गर्नुभयो । सो वडामा चार हजार १५२ मत खसेको थियो ।
यस्तै वडा सदस्यहरुमा एमालेकै रोमान्सी धिमाल, इन्दिरा सुन्दास, दुर्गाप्रसाद सिटौला र धनप्रसाद साँवा विजयी हुनुभएका छन् ।
गौमूलमा एमाले विजयी
बाजुराको गौमूल गाउँपालिकामा नेकपा (एमाले) विजयी भएको छ ।
गौमूलको अध्यक्षमा हरि रोकाया दुई हजार २४० मत ल्याई विजयी हुनुभएको छ । उहाँका निकटतम प्रतिद्वन्द्वी काँग्रेसका देवबहादुर रोकायाले एक हजार ५०० मत प्राप्त गर्नुभयो ।
यसैगरी उपाध्यक्षमा एमालेकी सीता थापा दुई हजार २०१ मत ल्याई विजयी हुनुभयो । उहाँका निकटतम प्रतिद्वन्द्वी काँग्रेसकी उमा रोकाया एक हजार ५५५ मत प्राप्त गर्नुभयो । गौमूल गाउँपालिकाको चारवटा वडामा एमाले र दुईवटामा काँग्रेस विजयी भएको छ ।
