माओवादीको विजयजुलुसमा आक्रमण,सेनाको हेलिकप्टरबाट काठमाडौँ ल्याइयो
काठमाडौं । अछामको रामारोशन गाउँपालिकाको १ नं वडामा माओवादी केन्द्रका उम्मेदवारहरुको विजयजुलुसमा अज्ञात समूहले आक्रमण गरेको छ । बिहीबार राती मत परिणाम आएपछि सुरु गरिएको विजयजुलुसमा अज्ञात समूहले आक्रमण गरेको जिल्ला प्रहरी कार्यालयका इन्सपेक्टर कर्ण बहादुर मल्लले जानकारी दिए ।
उक्त आक्रमणमा तीन जना घाईते भएका छन् । उनीहरुमध्ये दुई जनाको अवस्था गम्भीर भएपछि थप उपचारको लागि सेनाको हेलिकप्टरबाट काठमाडौं ल्याईएको छ । टेकबहादुर विक, श्याम विक, टेकबहादुर साउद घाईते भएका छन् ।
प्रहरीले आक्रमणकारीको खोजी गरिरहेको भएपनि अहिलेसम्म कसैलाई पनि पक्राउ गरेको छैन ।
