कांग्रेसको फराकिलो अन्तर,भोजपुर र डोटीमा कांग्रेस अगाडी



भोजपुर नगरपालिकालगायत विभिन्न गाउँपालिकामा दोस्रो चरणको स्थानीय तह निर्वाचनको मतगणना भइरहेको छ ।
जारी मतगणनाको प्राप्त परिणामअनुसार प्रमुख र उपप्रमुख पदमा नेपाली काँग्रेसको अग्रता कायम रहेको छ । भोजपुर नगरपालिकाको प्राप्त विवरणअनुसार प्रमुखमा नेकाका कैलाशकुमार आलेले एक हजार ३३९ र उपप्रमुखमा कृतिकुमारी कार्कीले एक हजार ३२१ मत प्राप्त गर्नुभएको छ भने एमालेका प्रमुख गणेश श्रेष्ठले एक हजार २३४ र उपप्रमुखमा ममिता राईले एक हजार २५२ मतले पछ्याई रहनुभएको छ ।
त्यस्तै, माओवादी केन्द्रका प्रमुखका उम्मेदबार शरणकुमार तामाङले ४८५ र उपप्रमुख मोनिका राईले ४७८ मत प्राप्त गर्नुभएको छ ।
षडानन्द नगरपालिकामा नेकाका प्रमुखको ४१८ र एमालेका प्रमुखले २५१ मतले पछ्याई रहनुभएको हो ।
जिल्लाको अरुण गाउँपालिका, हतुवागढी गाउँपालिका, पौवादुङमा गाउँपालिकामा नेकाको अग्रता कायम रहेको छ ।
ट्याम्केमयुङ्ग, साल्पासिलिछो र आमचोक गाउँपालिकामा एमालेको अग्रता छ भने रामप्रसाद राई गाउँपालिकामा माओवादी केन्द्रको अग्रता कायम रहेको छ । भोजपुरमा ६६.३१ प्रतिशत मत खसेको हो ।

डोटीमा काँग्रेसको अग्रत

जारी मतगणनामा डोटीका अधिकांश स्थानीय तहमा नेपाली काँग्रेसले अग्रता लिइरहेको छ । नौवटा स्थानीय तहमध्ये अध्यक्ष÷प्रमुख पदमा काँग्रेसले ६ वटा तहमा अग्रता लिइरहेको छ भने दुईवटामा नेकपा (एमाले) र एकमा नेकपा (माओवादी केन्द्र)ले अग्रता लिइरहेको छ ।

दीपायल सिलगढी नगरपालिकामा नेकाका प्रमुखका उम्मेदवार बाजीसिँह खड्काले एक हजार १९३ मतले अग्रता लिइरहेका छन् । उनका प्रतिद्वन्द्वी एमालेका मञ्जु मलासीले ७७७ मत प्राप्त गरेकी छन् । उपप्रमुखमा भने एमालेका शिवराज खड्का अग्रस्थानमा छन् । उनले एक हजार ४४ मत पाएका छन् भने नेकाकी प्रसिस महरा ९९९ मतले पछ्याइरहेकी छन् ।

दीपायल सिलगढी नगरपालिका–१ मा एमालेका बहादुर खड्का जितेका छन् भने वडा नं २ मा नेकाका राजेन्द्र खड्काको पूरै प्यानलले जितेको छ ।

शिखर नगरपालिकामा पनि नेकाकै सीताराम जोशीले अग्रता कायम राखिरहेका छन् । उनले एक हजार १०६ प्राप्त गरेका छन् भने एमालेका शेरबहादुर मल्लले ९९५ मत ल्याई पछ्याइरहेका छन् ।

उपप्रमुखमा नेकाकी धौलीदेवी रावलले एक हजार ९८ र एमालेकी राधिका बोहराले एक हजार १४ मत प्राप्त गरेकी छन् । शिखरकै वडा नं १ मा नेकाका खडकबहादुर शाहीको पूरै प्यानल जितेको छ । अहिले वडा नं २ र ११ को मतगणना चलिरहेको छ ।
केआइसिंह गाउँपालिकामा नेकाका लोकेन्द्रबहादुर शाहीले एक हजार २९३ मत प्राप्त गरी अग्रता लिइरहेका छन् भने उपाध्यक्षमा पनि नेकाकै मीना विष्टले एक हजार ३०६ मतका साथ अग्रता कायम गरिरहेकी छन् ।
अध्यक्षमा एमालेका यज्ञराज जोशीले एक हजार २३८ र उपाध्यक्षमा एमालेकै देवकी जोशीले ६८९ मत प्राप्त गरी पछ्याइरहेका छन् । केआइसिँहका वडा नं १, २ र ३ मा क्रमशः नेकाकै कृष्णबहादुर बम, नेत्रबहादुर रावल र रतन कुँवरको पूरै प्यानलले जितेको छ ।

प्रतिक्रिया दिनुहोस
प्रधानमन्त्री प्रचण्डको सम्पत्ति, १४ कट्ठा जमिन र २५ लाख नगद

    प्रधानमन्त्री पुष्पकमल दाहाल प्रचण्डले सम्पत्ति विवरण बुझाएका छन् ।  तीनपटक प्रधानमन्त्री

सिरोहिया पक्राउ अपराध ढाकछोप गर्ने दुष्प्रयास : गगन

    नेपाली कांग्रेसका महामन्त्री एवम् प्रतिनिधिसभाको सांसद गगन थापाले कान्तिपुर मिडिया ग्रुपका

कान्तिपुरका अध्यक्ष कैलाश सिरोहिया पक्राउ

  कैलाश सिरोहिया पक्राउ परेका छन् । काठमाडौं उपत्यका अपराध अनुसन्धान कार्यालय र

कान्तिपुर मिडिया ग्रुपका अध्यक्ष कैलाश सिरोहियाविरुद्ध पक्राउ पुर्जी जारी

    कान्तिपुर मिडिया ग्रुपका अध्यक्ष कैलाश सिरोहियाविरुद्ध नागरिकता किर्ते गरेको कसुरमा पक्राउ