नेपाली कांग्रेस ३६ नेकपा एमाले २२, माओवादी केन्द्र १४, फोरम लोकतान्त्रिक ३ र राष्ट्रिय प्रजातन्त्र पार्टी १ ठाउँमा अग्रता लिएका छन । पछिल्लो नतिजा अनुसार बैतडीको पुर्चौडी–१ मा काँग्रेस र पञ्चेश्वर–१ मा एमाले विजयी भएको छ। पुर्चाैडी नगरपालिका– १ मा वडाध्यक्षसहित काँग्रेसको पुरै प्यानल विजयी भएको छ । वडाध्यक्षमा काँग्रेसका गणेशबहादुर गडाल ४२९ मत ल्याई विजयी हुनुभएको छ । उहाँका निकटतम प्रतिद्वन्द्वी माओवादी केन्द्रका जनकबहादुर धानुकले ३६० मत ल्याउनुभयो । दलित महिला सदस्यमा राधिका ओड ४२६, महिला सदस्यमा विन्देश्वरी जोशी ३८१, खुलासदस्यमा जगतसिंह भण्डारी ४११ र हिक्मत जागरी ४२४ मत प्राप्त गरी विजयी हुनुभयो । सो नगरपालिकाको अहिले वडा नं १० को मतगणना भइरहेको छ ।
दाङको गढवा गाउँपालिका वडा नं ८ मा नेकपा (माओवादी केन्द्र)को समूह विजयी भएको छ ।
अध्यक्षमा सद्धाम सिद्दिकी १०७ मत प्राप्त गरी विजयी हुनुभएको हो । त्यस्तै महिला सदस्यमा मनमाया गुरुङ, दलित महिला सदस्यमा विमला विक तथा सदस्यमा चन्द्रबहादुर विक र नारायणसिं थापा विजयी हुनुभएको छ । कुल मतदाता ४९८ रहेकामा ३४७ मत खसेको थियो ।
उता स्थानीय तहको निर्वाचनमा नेपाली काँग्रेसले दार्चुलाको लेकम गाउँपालिकाबाट विजयी सुरुआत गरेको छ ।
लेकम– १ मा काँग्रेसका वडाध्यक्षका उम्मेदवार दौलतसिंह साउद ४५५ मत ल्याएर विजयी हुनुभएको छ । उहाँका प्रतिद्वन्द्वी नेकपा ९एमाले०का चन्द्रसिंह बोहराले २९५ र नेकपा ९माओवादी केन्द्र०का तारासिंह बोहराले १६१ मत प्राप्त गर्नुभएको छ । सो वडामा काँगेसको पुरै प्यानल विजयी भएको छ ।
भोजपुरमा नेकपा (माओवादी केन्द्र) विजयी सुरुवात गर्नेमा पहिलो भएको छ । रामप्रसाद राई गाउँपालिका–८ मा माओवादी केन्द्रका वडाध्यक्ष उम्मेदवार मनोज राईको प्यानल नै विजयी भएको हो ।
माओवादी केन्द्रका वडाध्यक्षका उम्मेदवार मनोज राईले ३२२ मत प्राप्त गरी निकटतम प्रतिद्वन्द्वी नेकपा (एमाले)का पाँचकुमार राईलाई १२ मतले पछि पार्दै विजयी हुनुभएको हो ।
