मतदान गर्न एउटै लाइनमा बसेका दुई महिलाले घोर्ले छोरा जन्माए

 काठमाडौँ / मतदानमा यसघि मरेका र मारिन खोजिएका समाचार मात्र आए तर सुखद समाचार पनि छन् । मतदानको लागि एउटै लाइनमा रहेका दुई महिलाले बच्चा जन्माएका छन् । अछामको रामारोशन गाउँपालिका–४ को बाटुलासैनस्थित जाताको नन्दकाली आधारभूत विद्यालयको ‘क’ मतदान केन्द्रमा भोट हाल्न लाइनमा लागेका दुवै महिलाले छोरा जन्माएका हुन् । रामारोशनकी २५ वर्षकी मीना बोहरा र शुभा दासले बच्चा जन्माएका हुन् ।

बुधबार बिहान ९ बजेतिर भोट हाल्नका लागि लाइनमा लागेकै बेला उनीहरुलाई सुत्केरी व्यथा लागेको थियो । व्यथा लागेपछि स्कुलकै छेउमा उनीहरुलाई सुत्केरी गराइएको हो । सुत्केरी भएको एक घण्टापछि मतदान गरेर उनीहरु घर फर्किएका मतदान अधिकृत तपेन्द्र विकले जानकारी दिए । बच्चा जन्माएका दुबै महिला र शिशु स्वस्थ रहेको प्रहरीले जनाएको छ ।