यी हुन् बम समात्ने पुलिस, समातेको दुई सेकेण्डमै पड्कियो

काठमाडौँ / बम समात्ने साहसी प्रहरीको परिचय बनाएका प्रहरी हवल्दार गोरेबहादुर रानाले अज्ञात समूहले मतदान केन्द्रमा लक्षित गरी फालेको बम भूँइमा नखस्दै हातले समातेर मतदान केन्द्र भन्दा बाहिर फालिदिए। त्यस पछि उनको चर्चा चुलिएको छ । दाङको तुलसीपुर ३ अम्बास मतदान केन्द्रको बुथ सुरक्षामा रहेका रानाले ज्यानको प्रवाह नगरी बुथको सुरक्षा गरेका हुन्। अज्ञात समूहले फालेको उक्त बम हवल्दारले समातेर फालको दुई सेकेण्डमै पड्किएको थियो।

हवल्दारले समातेर मतदान केन्द्रभन्दा बाहिर फालेकाले बम पड्किए पनि कुनै क्षति हुन पाएन। हवल्दार रानाले बम समातेर मतदान केन्द्र भन्दा बाहिर नफालेको भए मतदान स्थलमा क्षति पुग्ने भए पनि उहाँको साहसले कुनै क्षति नभएको प्रहरीको भनाइ छ।