दर्शकको मन जितेर चर्चामा आउन सफल जैना
काठमाण्डौं । पछिल्लो समय कलिलो उमेरमा दर्शकको मन जितेर चर्चामा आउन सफल सुन्दरी नायिका हुन् जैना कुँवर । सिन्धुपाल्चोकको चौतारामा जन्मिएकी उनले तिन वटा चलचित्रमा अभिनय गरिसकेकी छिन् ।
जोनी जेन्टलम्यान , मेरो पैसा खोई, झ्यानाकुटी जस्ता चलचित्रमा अभिनय गरेकी छिन् । तिन वटै चलचित्रमा नायिकाको सहायक भुमिकामा अभिनय गरेकी उनको ‘जोनी जेन्टलम्यान ‘ भाद्र ३० गते रिलिज हुँदै छ । चलचित्र ‘जोनी जेन्टलम्यान’मा नायिका आँचल शर्माको साथीको भूमिकामा उनी देखिएकी छिन् । यो चलचित्रमा आफ्नो भूमिका सशक्त भएको र कथा मन परेकाले नै काम गरेको उनले बताईन् ।
हरेक खालको भूमिका गर्न सक्छु भन्ने आत्मविश्वासको साथ यो क्षेत्रमा लागेकी उनी ब्याचलर दोस्रो बर्षमा अध्ययन गर्दै छिन् । उनी १६ बर्षको उमेरबाट अभिनय क्षेत्रमा लागेकी हुन् । सानै देखि नृत्य र अभिनय गर्न रुचाउने उनी घर परिवारमा बाबा ममिबाट भन्दा पनि दिदीबाट बढि सर्पोट भएको बताउछिन् । भविष्यमा एयर होस्टेज तालिम केन्द्र खोल्ने र अभिनयलाई चाहीँ रुचिको क्षेत्र बनाउने सोचमा छिन् ।
रमिला खतिवडा
