एमालेका नेताले कहाँ कहाँबाट मतदान गरे



काठमाडौँ ।  दोस्रो चरणको स्थानीय निर्वाचन  १, ५ र ७ मा मतदान जारी छ । निर्वाचन आयोगका अनुसार मतदान विहान ७ बजेदेखि बेलुका ५ बजेसम्म जारी रहने छ  ।

आज विहान सुरु भएको निर्वाचनमा बरिष्ठ नेता तथा पूर्वप्रधानमन्त्री झलनाथ खनालले गृहजिल्ला इलामको सुर्योदय नगरपालिका– ९ स्थित राष्ट्रिय निमावि रम्फोकमा मतदान गरेका छन् । उपाध्यक्ष वामदेव गौतमले बर्दिया जिल्लाको बाँसगढी नगरपालिका– ८ मा रहेको त्रिभुवन उच्च मावि मतदान केन्द्रमा मतदान गरे ।

उपाध्यक्ष तथा सात नम्बर प्रदेश संयोजक भीम रावलले अछाम जिल्लाको साफेबगर नगरपालिका– ६ स्थित चन्द्रोदय आधारभूत विद्यालय रिठागाउँ केन्द्रमा मतदान गरेका छन् । एमालेका उपमहासचिव तथा पाँच नम्बर प्रदेश संयोजक विष्णु पौडेलले बुटवल उपमहानगरपालिका– ८ स्थित पश्चिमाञ्चल डिभिजन सडक कार्यालयमा रहेको मतदान केन्द्रमा मतदान गरेका छन् भने अर्का उपमहासचिव घनश्याम भुसाल तिलोत्तममा नगरपालिका– ९ मणिग्रामस्थित गौतम बुद्ध शिशु सदन आधारभूत विद्यालयमा मतदान गरेका छन् ।

पार्टी सचिव प्रदीप ज्ञवालीले गुल्मीको रुरु गाउँपालिका– ४ स्थित बम्घा निमावि भवनमा मतदान गरेका छन् भने अर्का सचिव गोकर्ण विष्टले गुल्मीकै इश्मा गाउँपालिका– ४ स्थित रामराज्य माविमा रहेको केन्द्रमा मतदान गरेका छन् ।
सचिव तथा प्रदेश नम्बर १ का संयोजक भीम आचार्यले सुनसरीको इनरुवा नगरपालिका– ६ स्थित जनता मावि मधेशामा रहेको मतदान केन्द्रमा मतदान गरेका छन् ।

पूर्वसभामुख तथा स्थायी समिती सदस्य सुवासचन्द्र नेम्वाङले इलामको इलाम नगरपालिका– ७ स्थित बालमन्दिर आधारभूत विद्यालय, हाकिमटोलमा मतदान गरे। पार्टी स्थायी समिती सदस्य शंकर पोखरेल दाङको तुल्सीपुर उपमहानगरपालिका– १९ स्थित जनता विद्यापीठ, बिजौरीमा रहेको मतदान केन्द्रबाट मतदान गरेका छन् । स्थायी समिती सदस्य छविलाल विश्वकर्माले वुटवल उपमहानागर– ११ स्थित वाणिज्य क्याम्पस, देवीनगरमा रहेको मतदान केन्द्रबाट मतदान गरेका छन् ।

 

प्रतिक्रिया दिनुहोस
एमाले परिषद् बैठक : आन्तरिक शुद्धीकरणसहित राष्ट्रिय शक्ति निर्माणमा केन्द्रित

    नेपाल कम्युनिष्ट पार्टी (एमाले)ले आफूलाई शुद्धीकरण र सुदृढीकरण गर्दै पार्टीलाई निर्णायक

रन्जिता र निर्वाचन आयोग विरुद्धको मुद्दाको सुनुवाइ हुदै

     नागरिक उन्मुक्ति पार्टीका नेता रेशम चौधरीले नाउपा अध्यक्ष रन्जिता श्रेष्ठ तथा

एमाले परिषद् बैठकमा आज समूहगत छलफल हुँदै

    नेपाल कम्युनिष्ट पार्टी ९एमाले० को महाधिवेशन प्रतिनिधि परिषद्को प्रथम बैठकको दोस्रो

एमालेको प्रतिनिधि परिषद् बैठक आजबाट सुरु

    नेकपा एमालेको राष्ट्रिय महाधिवेशन प्रतिनिधि परिषद् बैठक आजबाट सुरु हुँदै छ