मोडलिङ क्षेत्रमा आफ्नो नाम चम्काउन सफल निशा
काठमाडौं । अहिलेको मोडलिङ ‘कि देखाउनेको बिक्छ की हल्लामा बिक्छ । त्यही भएर आजभोली मोडलिङमा लाग्नेहरुले छोपिने अंगहरु खुल्लमखुल्ला देखाउने गर्छन् ।
देखाउन नसक्दा कतिपयले मोडलिङलाई रहरको पेशा बनाएका छन् भने आफ्ना गोप्य अंग देखाउन नसक्दा चर्चामा नआउँदै अस्ताउने गर्छन् । तर, नदेखाए पनि अस्ताउने सुचीमा भने निशा थापाको नाम छैन ।
नेपालगन्जको कोहलपुरमा जन्मिएकी निशा मोडलिङ क्षेत्रमा नै आफ्नो भविष्य खोजिरहेकी छिन् । चन्चले र चुल्बुले बानी भएकी उनी १ बर्ष अगाडी मात्र आफ्नो जन्मभुमि छाडेर काठमाण्डौं आएकी हुन् । उनले १६-१७ वटा म्युजिक भिडियोमा अभिनय गरिसकेकी छिन् ।
जाउँ है कान्छी भागेर, फोटो हेरी टिका लगाउँ जस्ता चर्चित लोक दोहोरी गीतमा अभिनय गरेकी उनी ब्याचलर पढ्दै छिन् । उनले म्यूजिक भिडियोमा मात्र नभएर चलचित्रमा पनि अभिनय गरेकी छिन् । हाम्रो मिसन, दिलको राजा जस्ता चलचित्रमा नायिकाको सहायक भुमिकामा अभिनय गरेकी छिन् ।
सानै देखि नृत्य र अभिनयमा बढी सोख भएर यस क्षेत्रमा लागेकी निशा अभिनय क्षेत्रबाट नै आफु सन्तुष्ट भएको बताउछिन् । पैसा भन्दा पनि आफ्नो खुसि र रमाईलोको लागी यस क्षेत्रमा लागेकी उनले स्टेज कार्यक्रममा पनि उत्तिकै अभिनय गरिसकेकी छिन् ।
रमिला खतिवडा
