नेपालगञ्ज । भरातमा मजदुरी गर्ने नेपालीहरु स्थानीय चुनावमा सहभागी हुनको लागि घर आईरहेका छन् । तर भारतबाट नेपाल आउँदै गरेका नेपालीलाई भारतीय प्रहरीको सहयोगमा नेपाल प्रहरीले नेपालगन्ज ल्याएका छन् । सीमा नाका बन्द भएको जानकारी नपाएर नेपाल फर्किंदै गरेकाहरू भारतीय सीमा बजार रुपइडिहामा अलपत्र परेपछि प्रहरीले सुरक्षा दिएर नेपाल प्रवेश गराएको हो ।
नाका बन्द भएपछि निर्वाचनमा सहभागी हुन नेपाल आउँदै गरेकाहरू सीमा बजार रुपइडिहामा अलपत्र पर्न थालेका छन् । भारतीय नाकामा मतदान नसकिँदासम्मका लागि आवतजावत बन्द गरिएको जिल्ला प्रशासन कार्यालय बाँकेले जनाएको छ । १४ असारमा हुने निर्वाचनको सुरक्षाका लागि सीमा नाका बन्द गरिएको हो । सीमा नाकामा सिकिस्त बिरामीबाहेक अरुले आवतजावत गर्न नपाउने प्रबन्ध मिलाईएको प्रमुख जिल्ला अधिकारी रविलाल पन्थले जानकारी दिए ।
अत्यावश्यक कामका लागि सीमा नाकाबाट जानुपर्ने भएमा जिल्ला प्रशासन कार्यालयको सिफारिस लिएर प्रहरीको आग्रह छ । सीमा क्षेत्रमा सुरक्षा चेकजाँच कडा गर्न र अपराधिक गतिविधिमा सुक्ष्म रूपमा निगरानी राख्न नेपाल र भारत सीमा क्षेत्रमा दुवै देशको संयुक्त सुरक्षा गस्ती सञ्चालन गरिएको इलाका प्रहरी कार्यालय जमुनहाका इन्चार्ज प्रहरी नायब निरीक्षक सुधीर खडकाले जानकारी दिए ।
