सुन्दरता र प्रतिभाकी धनी स्वेच्छा
काठमाण्डौं । सिन्धुलीको भिमानमा जन्मिएकी स्वेच्छा सालु अभिनय क्षेत्रमा जमेर लागिपरेकी छिन् । बच्चाबेला देखि नै अभिनय र नृत्य गर्न मन पराउने सालु अहिले मास्टर्स पढ्दै छिन् । उनले तिन वटा चलचित्रमा अभिनय गरिसकेकि छिन् । स्काउटमा अभिनय गरेकि छिन् भने नरसिंहा र मैथिली चलचित्रमा आईटम डान्स गरेकी छिन् ।
सालुले चलचित्रमा मात्र नभएर मिलन लामाको असारे गित ‘छुपुमा छुपु खेतमा रोपौ धानको बिउ छदै’ भन्ने म्युजिक भिडियोमा अभिनय गरेकी छिन् ।
उनी अभिनय मात्र गर्दिनन् समाजसेवी पनि हुन् । श्री नेपाल नामक संस्थामा आवद्ध भएर सिन्धुली जिल्लाको संयोजक भएर काम गरिरहेकी छिन् । घरपरिवारको पुरा सपोर्ट रहेको बताउने सालु अभिनय र सामाजसेवी दुबै क्षेत्रलाई एकैसाथ अगाडी बढाउने सोच रहेको बताउछिन् ।
