डडेल्धुरा । प्रधानमन्त्री शेरबहादुर देउवाले स्थानीय तहको दोस्रो चरणको निर्वाचनमा सत्ता शक्तिको व्यापक दुरुपयोग गरेको भन्दै नेकपा ९एमाले० डडेल्धुराले त्यसको प्रतिरोधका लागि आफ्ना कार्यकर्ता परिचालन गरेको छ ।
केहीदिन अघि नै गृह जिल्लामा आएका प्रधानमन्त्री एवं नेपाली काँग्रेसका सभापति देउवाले गाउँका सोझा र स्वतन्त्र मतदातालाई प्रभावित पार्नको लागि आर्थिक चलखेल गरेको एमाले जिल्ला कमिटीले ठहर गरेको छ । देउवा निकटका रघुवर भट्ट र गोविन्द बोहराले पैसाको बोरा नै बोक्न लगाएर काँग्रेसका कार्यकर्ता र भाडाका मान्छे खटाउन थालेको आशङ्कामा एमालेले त्यस्तो अवैध र निर्वाचन आचारसंहिताविरोधी काम गर्नेलाई तत्काल नियन्त्रणमा लिई निर्वाचन आयोगमा बुझाउन परिपत्र गरिएको एमालेका जिल्ला उपाध्यक्ष वीरेन्द्र बस्नेतले बताउनुभयो ।
प्रधानमन्त्रीका साथ प्रमुख जिल्ला अधिकारी, सेना, प्रहरी र सरकारका अन्य निकायका कर्मचारी पछि लाग्ने र सरकारी ओहोदाको दुरुपयोग भएको एमालेले जनाएको छ ।
