झापा । भद्रपुर नगरपालिका–८ निवासी पंकज कार्की संभवत नेपालकै ‘होचा’ उम्मेदवारका रुपमा यतिबेला भोट माग्न मतदाताको घरदैलोमा ब्यस्त छन् ।
भद्रपुर नगरपालिका–८ निवासी कार्की वडा सदस्यका लागि स्वतन्त्र उम्मेदवार बनेका हुन् । चार फुट उचाइका २९ वर्षीय कार्की आफूलाई नेपालकैै होचो उम्मेदवार भएको दाबी गर्छन । तर, मानिसको कदभन्दा विचार ठूलो हुनुपर्ने मान्यता राख्ने उनी युवाको बढ्दो विदेश पलायन रोख्न सक्दो पहल गर्ने दृढता सहित चुनाबी अभियानमा होमिएको बताउछन ।
मानिसको विचार उच्च हुनुपर्छ भन्ने मान्यता राख्ने उनि भन्छन – ‘डिग्री पढेर पनि युवा विदेसिनु परेको छ । युवाको क्षमताको आधारमा रोजगार सिर्जना गर्न विशेष पहल गर्छु ।’ युवा वर्गको समर्थन पाएकाले उनको जित निश्चित रहेको बुझिएको छ।
