जड्याहा गाउँपालिका प्रमुख प्रहरी खोरमा
काठमाडौँ / माओबादीका नेतालाई कुटेको आरोप लागेका कांग्रेसी प्रहरी खोरमा जाकिएका छन् । स्थानीय निर्वाचनमा नेपाली कांग्रेसबाट निर्वाचित सिन्धुपाल्चोकको सुनकोसी गाउँपालिका प्रमुखमा निर्वाचित श्रवण जिसी ‘विनोद’हातपात गरेको आरोपमा पक्राउ परेका हुन् ।
स्थानीय निर्वाचनमा नेपाली कांग्रेसबाट निर्वाचित विनोदले बनेपाको विहे पार्टीमा मादक पदार्थ सेवन गरी हो–हल्ला गर्दै सुनकोशी गाउँपालिकाका वाईसियल संयोजकलगायत अन्य उपस्थित अतिथिमाथि हातपात गरेको रिपोर्ट पछि उनी प्रहरीको कब्जामा परेका हुन्।
सिन्धुपाल्चोक प्रहरीका अनुसार उनीमाथि सार्वजनिक मुद्दा लगाएर कारवाही अगाडि बढाउने तयारी भएको छ । यस अघि पनि उनीमाथि ठोकर्पाकै माओवादी कार्यकर्तामाथि हातपात गरेको भन्दै सिन्धुपाल्चोक प्रहरीमा मुद्दा परेको थियो ।
