काठमाडौँ / सुन्दर अनि आकर्षक शरीरकी धनी उनको सुन्दरताको मापन गर्ने यन्त्र हुदो हो त उनी बाहेक अरु प्रतिस्पर्धामा रहने सम्भावना कमै मात्र हुन्थ्यो । रुपले मात्र धपक्क बलेकी छैनन् उनी। सुरिलो स्वरले उनको सुन्दरतालाई थप चम्काईदिएको छ र त उनी यतीबेल सांगीतिक दुनियामा जमेर लागेकी छिन,स्थापित हुने अन्तिम चरणमा होमिएकी छिन। उनी अर्थात् सुरिलो र सुरम्य स्वरकी धनी प्रकृती थलंग प्रकितीलाई मन्त्र मुग्ध बनाउने स्वरले सांगीतिक दुनियामा रुमल्लिएकि छिन ।
पुर्बी नेपालको ताप्लेजुङ्ग जिल्लामा जन्मिएकी प्रकृतीको परीवारनै सांगीतिक क्षेत्रमा जमेर लागिपरेको छ । उनका दुइ दाजु सांगीतिक क्षेत्रमै स्थापित छन् । कुशल थलंग र कन्चन थलंगकी सहोदर बहिनी प्रकृतीका बुबा केन्द्र बिक्रम राम्रो सर्जक पनि पनि हुन् । उनले गीत र उपन्यास लेखिसकेका छन् । राजधानीमा बसेर गायनमा खारिदै गरेकी उनले आफ्नै नामको एल्बम सार्बजनिक गरेकी छिन । बाटोमा भेटेको माया,गैरी गाउको,लन्डन पुग्दा,तिम्रो मेरो मायाको बलेसीमा,यती मन पराउछु म लगायतका गीतमा स्वर दिईसकेकी उनले नया एल्बम निकाल्ने तयारी गरिरहेकी छिन ।
