चुनाब सार्न बसेको बैठक एमालेद्वारा बहिस्कार



 

काठमाडौं । प्रमुख चार दल र राष्ट्रिय जनता पार्टी नेपालबीचको संयुक्त बैठक सकिएको छ।

प्रधानमन्त्री शेरबहादुर देउवाको पहलमा सत्तारुढ नेपाली कांग्रेस, नेकपा माओवादी, फोरम लोकतान्त्रिक र प्रमुख प्रतिपक्षी दल नेकपा एमालेका शीर्ष नेताहरुले सहमतिका लागि असन्तुष्ट राजपाका नेताहरुसँग सभामुखको कार्यकक्ष सिंहदरबारमा बसेको बैठक अहिले सकिएको छ।

बैठकबाट प्रमुख प्रतिपक्षी दल एमालेका नेताहरु बाहिरिएपनि सत्तापक्ष र राजपाका नेताहरु बसीरहेका छन्।

बैठकबाट बाहिरिने क्रममा एमाले संसदीय दलका उपनेता सुवासचन्द्र नेम्वाङले बैठकमा प्रधानमन्त्री देउवाले नै असार १४ गतेको स्थानीय तह निर्वाचन अगाडि संविधान संशोधनको सम्भावना नभएको भनिसकेपछि यो विषयमा आफूहरुको पनि सहमति भएको बताए।

राजपाको माग अनुसार स्थानीय तहको संख्या थप्ने विषयमा सर्वोच्च अदालतले नै सरकारले दर्ता गरेको स्थानीय तह बढाउने निर्णय विरुद्धको अदालतको आदेश खारेजीको रिट निवेदन खारेज गरेपछि यो माग पनि तत्काल सम्बोधन गर्न सम्भव नभएको निष्कर्ष आफूहरुले निकालेको नेम्वाङले बताए।

बैठकमा आफूहरुले यो बाहेक कुनै विषयमा मिलाउनु पर्ने भए त्यसलाई छलफल र सहमतिका आधारमा मिलाउन सकिने तर तोकिएको मितिको निर्वाचन सार्न नसकिने अडान एमालेका नेताहरुले राखेका थिए।

राजपाले आफूहरुले उठाउँदै आएका माग सम्बोधन नभए निर्वाचनमा सहभागी नहुने भन्दै निर्वाचन विरोधी आन्दोलनको कार्यक्रम चर्काउदै लगेको छ।

प्रतिक्रिया दिनुहोस
एमाले बागमती अघिवेशन : एक हजार ८० जना प्रतिनिधि हुने

    नेकपा एमाले बागमती प्रदेशको प्रथम अधिवेशनमा आवासको ब्यवस्था प्रतिनिधि आफैले गर्नुपर्ने

ढुंगेललाई सर्वसम्मत अध्यक्ष बनाउने संकेत, उपाध्यक्षमा दावा दोर्जे लामाको उम्मेदवारी

    नेकपा एमालेले बागमति प्रदेश कमिटीको अध्यक्षमा कैलाश ढुंगेललाई संस्थागत रुपमा अघि

एमाले बागमती उपाध्यक्षमा दावा दोर्जे लामाको उम्मेदवारी

    नेकपा एमालेले बागमती प्रदेशको असोज ८ र ९ गते पहिलो अधिवेशन

शान्ति प्रक्रियाका बाँकी काम टुंगिने चरणमा छन् : प्रधानमन्त्री प्रचण्ड

    प्रधानमन्त्री पुष्पकमल दाहाल प्रचण्डले शान्ति प्रक्रियाका बाँकी काम टुङ्ग्याउने चरणमा रहेको