चुनाव बिथोल्ने राजपाको निर्णय,४ बजे पत्रकार सम्मेलन

काठमाडौँ/ मन्त्रिपरिषदको आइतवार सिंहदरवारमा बसेको बैठकले राष्ट्रिय जनता पार्टीलाई चुनावमा सहभागी गराउने गरी राजनीतिक दल सम्बन्धी ऐन २०७३ को दफा १० को उपदफा ७ लाई संशोधन गर्ने निर्णय गरेको छ । सो ऐन संशोधन गरी ६ वटा दल मिलेर बनेको राजपालाई चुनावमा सहभागी गराउन सरकारले सो निर्णय गरेको हो।

 

तर राजपाका नेताहरुले चुनाबको मिती सार्नुपर्ने बताउदै आएका छन्।सरकारले कुनै पनि हालतमा मिती नसार्ने र संशोधन चुनाब पहिले नगर्ने बताएपछी राजपाका नेताहरु आन्दोलनको तयारीमा जुटेका छन् । तत्कालीन तराई मधेस लोकतान्त्रिक पार्टीको कार्यालय बिजुलीबजारमा नेताहरु नयाँ रणनीति बनाउन छलफलमा जुटेका हुन् ।राजपाले चुनावलाई प्रभावित पार्ने गरी आन्दोलनका नयाँ कार्यक्रम सार्बजनिक गर्ने तयारीसमेत गरेको छ । आज ४ बजे तत्कालीन तराई मधेस लोकतान्त्रिक पार्टीको कार्यालय बिजुलीबजारमा पत्रकार सम्मेलन गरि आन्दोलनका कार्यक्रम घोषणा हुदैछ।