मतदाता र शुभेच्छुकको अपार मायाले यो पटक चुनाव जित्छु : राजन भट्टराई
नेकपा एमालेका केन्द्रिय सचिव एवं काठमाडौं-४ का उम्मेदवार डा. भट्टराईले आफ्नो प्रचार प्रसार तथा घर दैलो कार्यक्रमलाई व्यापक बनाउदै लगेका छन् । आगामी फागुन २१ गते हुने निर्वाचन नजिकिदै जाँदा सबै पार्टीका उम्मेवारले घरदैलो लगायतका कार्यक्रम व्यापक बनाउदै गर्दा भट्टराइ काठमाडौं – ४ मा आफ्नो व्यापक र आक्रामक प्रचार प्रसारमा उत्रिएका छन् ।
फागुन ७ गते देखि काठमाडौं-४ मा डा भट्टराईको मतदाता भेटघाट, पदयात्रा तथा कोणसभा कार्यक्रम शुरु भएको छ । फागुन ७ गते बिहिबार काठमाडौं महानगरपालिका वडा नम्बर १ बाट शुरु भएको कार्यक्रम फागुन ८ गते काठमाडौं महानगरपालिका- १ ,फागुन ९ गते काठमाडौं महानगरपालिका-७,फागुन १० गते बुढानिलकण्ठ-१३ , फागुन ११ गते बुढानिलकण्ठ-१ र फागुन १२ गते बुढानिलकण्ठ -२ मा घरदैलो कार्यक्रम सम्पन्न भएको छ । आगामी फागुन १८ गते सम्म निरन्तर घरदैलो कार्यक्रम जारि रहने बताइएको छ ।
घर दैलोको क्रममा हाम्रो इकोनोमी डट कम सँग कुरा गर्दै डा. भट्टराईले आम मतदाता र शुभेच्छुकको अपार मायाले यो पटक आफुले चुनाव जित्ने आधार बलियो बनेको दावी गरेका छन् ।
