नेपाल उद्योग वाणिज्य महासंघमा चुनावी दौड सुरु
निजी क्षेत्रका व्यवसायीको छाता संस्था नेपाल उद्योग वाणिज्य महासंघमा पनि चुनावी दौड शुरु भएको छ । महासंघको ६० औँ वार्षिक साधारण सभाबाट चयन हुने नयाँ कार्यसमितिको लागि चुनाव लागेको हो ।
आगामी चैत २८ र २९ मा हुने वार्षिक साधारण सभासँगै नयाँ कार्यसमिति चयन हुँदैछ । जुनबेला हालका वरिष्ठ उपाध्यक्ष अन्जन श्रेष्ठ विधानतः स्वतः अध्यक्ष हुनेछन् । बाँकी अन्य पदका लागि भने चुनावी प्रतिस्पर्धा हुनेछ । जसका लागि उम्मेदवारी घोषणाको तयारी थालिएको छ ।
सोमबार महासंघका वरिष्ठ उपाध्यक्षमा हेमराज ढकालको प्यानलले उम्मेदवारी घोषणा गर्दैछ । ढकाल हाल वस्तुगत तर्फबाट उपाध्यक्ष रहेका छन् । महासंघको आसन्न निर्वाचनको लागि ढकालको प्यानलबाट एसोसिएट उपाध्यक्षमा ज्योत्सना श्रेष्ठले उम्मेदवारी घोषणा गर्न लागेकी छिन् । हाल पनि उनी एसोसिएट उपाध्यक्ष नै हुन् ।
