नेकपासँग तत्काल तालमेल हुँदैन : पीएस गुरुङ
नेकपा एमालेका उपाध्यक्ष पृथ्वीसुब्बा गुरुङले तत्कालै नेकपासँग चुनावी तालमेलको सम्भावना नरहेको बताएका छन् । प्रेस चौतारीको साक्षात्कार कार्यक्रममा बोल्दै राजनीतिक विषयमा हुँदै हुँदैन भनेर ठोकुवा गर्न पनि नसकिने बताए ।
उनले भदौ २३ र २४ गतेको घटनालाई नेकपाले अहिलेसम्म प्रतिगमन नभनेको भन्दै अहिलेसम्म एउटै दृष्टिकोण नबनीसकेको बताए । उनले भने, ‘हामीले प्रतिगमन भनिरहेका छौँ । उहाँहरूले क्रान्तिकारी काम भन्नुभएको छ । उहाँहरू र हाम्रो राजनीतिक दृष्टिकोण उत्तर र दक्षिणको जस्तो छ। त्यसैले अहिले तालमेल सम्भावना देख्दिनँ ।
उनले लोकतान्त्रिक व्यवस्थाप्रति एमाले र कांग्रेसजति प्रतिबद्ध नेकपा नभएको उनको भनाइ छ । उनले अगाडि भने, ‘राजनीति भनेको असम्भवबाट सम्भव पनि हुन्छ । २/४ दिनमै कोर्स परिवर्तन पनि हुनसक्छ। हुँदै हुँदैन भनेर ठोकुवा गर्ने विषय होइन ।
