प्रचण्डको शासन त बर्बाद पो रहेछ : झलनाथ
नेपाली कम्युनिस्ट पार्टीका नेता तथा पूर्व प्रधानमन्त्री झलनाथ खनालले प्रततिशिल लोकतान्त्रिक पार्टीका अध्यक्ष जनार्दन शर्मासँग प्रचण्डको कार्यशैलीलाई लिएर गुनासो पोखेका छन् । खनालले शर्मालाई फोन गरेर गुनासो पोखेका हुन् । जवाफमा शर्माले खनाललाई पहिलै प्रचण्डसँग नजान आफूले सुझाव दिएको स्मरण गराएका थिए ।
शर्माले भने, ‘मलाई झलनाथ खनालजीले फोन गर्नुभयो, मैले गरेको थिइनँ । एकलौटी शासन रहे छ यहाँ त के हो ? यो के शासन हो ? मैले त बुझ्न सकिनँ । एउटाले आदेश दिन्छ, अरुले ताली पड्काउँछन्, यहाँ त बर्बाद पो रहेछ त भन्नुभयो । मैले ४३ वर्ष गरेको संगत र अनुभवले तपाई त्यहाँ नजानुस् भनेको हो, किन गएको त भनेर जवाफ दिएँ ।
