बासुदेव दाहाल– अब्बल शैक्षिक परामर्शकर्मी, इक्यान उपाध्यक्षका उम्मेदवार
शैक्षिक परामर्श संघ (इक्यान) को आगामी नेतृत्वमा उपाध्यक्ष पदका प्रत्यासी बासुदेव दाहाल मतदाताबीच लोकप्रिय देखिएका छन् । संघको २० औँ साधारणसभा पुस २८ गते आयोजना हुँदैछ । उक्त साधारणसभाले नयाँ कार्यसमिति चयन गर्न लागेको हो । (लक्ष्मण) एन्ड्रयु पौडेल नेतृत्वको प्यानलबाट दाहाल उपाध्यक्षका उम्मेदवार हुन् ।
विगतमा इक्यानको सचिवको जिम्मेवारी सम्हालिसकेका र अघिल्लो साधारणसभामा महासचिवका उम्मेदवार रहेका उनी शैक्षिक परामर्श व्यवसायीका बीच लोकप्रिय मानिन्छन् । अब्बल शैक्षिक परामर्श, व्यवहारिक कार्यशैली र संस्थाका सदस्यहरुको हितका निम्ति सधैँ समर्पित रहँदै आएका दाहाल सोही गुणका कारण यसपटकको निर्वाचनका अन्य उम्मेदवारमध्ये लोकप्रिय देखिएका हुन् ।
उनी बागबजारस्थित प्राञ्जल एजुकेशन कन्सल्टेन्सीका सञ्चालक हुन् । शैक्षिक परामर्श व्यवसायलाई राज्यले हेर्ने दृष्टिकोण, वैदेशिक अध्ययनका लागि विभिन्न मुलुक जाने विद्यार्थीको सहजता तथा उक्त व्यवसायमा आवद्ध व्यवसायीका व्यावसायिक हितका मुद्दालाई दाहालले आगाडि सारेका छन् ।
आफू शैक्षिक परामर्शकर्मी मात्र हुँ भन्दै दाहाल भन्छन्, ‘शैक्षिक परामर्श नै मेरो एकमात्र विगत, वर्तमान र भविष्य हो, इक्यानको गरिमा, सशक्तीकरण र दायित्व वहन गर्नु मेरो कर्तव्य र प्रतिवद्धता हो । उनले महत्वपूर्ण यात्रामा सबैबाट प्राप्त हुने अमूल्य मत, सुझाव तथा मार्गदर्शनको अपेक्षासहित विनम्र अनुरोध गरेका छन् ।
