अहिलेसम्म संगठनमा गरेका काम नै मेरा जित्ने आधारहरु हुन् : नरेश गेलाल, अध्यक्ष पदका उम्मेदवार

यही २९ गते नेपाल वैदेशिक रोजगार संघको निर्वाचन हुँदैछ, के छ तपाईको तयारी ?

तयारी तीव्र नै छ, विशेषतः म यही पेशा,व्यवसायमा लामो समयदेखि संलग्न रहेको र संघ संगठनदेखि हरेक कुरा बुझेको छ् । अर्को भनेको मैले संघमा रहँदाखेरी यस क्षेत्रको अधिकारका लागि म लड्दै आएको व्यक्ति हुँ । म संघभित्र वा बाहिर जहाँ रहेपनि संघ र व्यवसायीको हितको लागि लडिरहेको छु । म आफ्नो बिचार स्पष्टसँग राख्ने गर्छु । मैले गर्न सक्ने हरेक कामको बारेमा मैले खुलस्त भन्ने गरेको छु । संघमा बिभिन्न बिचारधारका साथीहरु आबद्ध हुनुहुन्छ । उहाँहरुको भावनालाई आत्मसाथ गर्दै उहाँहरुकै सल्लाहामा अगाडी बढ्नेछु । मैले आफ्नो र अर्काको भनेर काखी च्यापेर लाखा र पाखाको व्यवहार द्खाउनुछैन । यसैले सबैसँग हातमालो गर्दै अगाडी बढ्नको लागि पनि मेरो नेतृत्व संघको लागि अपरिहार्य रहेको छ ।

निर्वाचनमा तपाईको मूल एजेण्डा के–के हुन् ?

मेरो मिसन अथवा एजेण्डा जे भने पनि संघ र व्यवसायीहरुको हितका लागि हुनेछ । मैले वैदेशिक रोजगार व्यसायी संघ(NaFFia)लाई NaFFia beyond party politics को अवधारणामा लैजाने सोच र प्रतिबद्धता छ । यो कुरामा सम्पूर्ण व्यवसायी मित्रहरुले साथ र समर्थन दिनुहुनेछ भन्ने विश्वास लिएको छ् । अर्को भनेको व्यवसायीहरुलाई सय(१००) को कुराले झस्काइरहेको छ । यो एउटा सिण्डिकेट हो । यसको म खुलेर बिरोध गर्न चाहन्छु । यसले गर्दाखेरी व्यवसायीमाथि अन्याय भएको छ । यसलाई चिर्नु आजको आवश्यकता हो । हरेक व्यवसायीहरुको समान हक र अधिकार छ । उनीहरुको हरेक मुद्धालाई वार्ता र छलफल मार्फत अन्याय भएको छ भने न्या दिलाउनेतर्फ म सधै तत्परताका साथ लाग्नेछु । वैदेशिक रोजगार ऐन२०६४ को संसोधित ऐन ७२–७४ ले यस क्षेत्रलाई अस्तव्यस्त बनाएको छ, यसलाई समयानुकुल परिमार्जन गनुपर्ने भएकोले परिमार्जनको लागि मैले कहाँ कोसँग कुरा गर्नुपर्ने हो त्यो गर्नेछु । अर्को भनेको हामी परम्परागत रुपमा खाँडी मुलुकमा मात्रै कामदार पठाईरहेको सन्दर्भमा हामीले यसले मात्र हुँदैन ।

नेपाली श्रमिक वर्गलाई युरोपको देशहरुमा पनि पठाउनुपर्छ भन्ने लागेर आजभन्दा दश वर्ष अगाडी ५५ जना व्यवसायीहरु मिलेर श्रम बजार बुझ्ने कार्य पनि गरेका छौ । त्यहाँ पठाउनको लागि मागपत्र प्रमाण्किरण हुनु आवश्यक हुन्छ । यसमा अहिलेसम्म जे जति प्रगति भएका छन्, यसमा प्राप्त उपलब्धिलाई रक्षा गर्दै थप अधिकार प्राप्तिका लागि लाग्नुपर्ने देखिन्छ । यो कार्य वास्तवमा राज्यले नै गर्नुपर्ने हो तर, राज्यले ठोस नीतिनलिएको कारणले हजारौको संख्यामा युरोप जाने कामदाहरुले गलत बाटोको प्रयोग गरेर युरोपियन देशहरुमा जानुपरेको यथार्थ हामीले पढेका र देखेको छौ ।

उनीहरुले त्यहाँ गएर पनि राम्रो काम पाउनुको सट्टा दुःख पाएको र भोगको कुरा बाहिर आईरहेकै छन् । यस कारण यी तमाम समस्या आउन नदिनका लागि मागपत्र प्रमाणिकरणका साथै सहज रुपमा युरोप जान पाउनुपर्छ भन्ने मेरो ठम्याई रहेको छ । यसैले मेरै नेतृत्वको संघले मागपत्र प्रमाणिकरणका कामहरु गर्नेछन् भन्ने आम व्यवसायीज्यूहरुमा विश्वास दिलाउन समेत चाहन्छु । यस्तै, जापान, कोरिया, इजरायल लगायतका देशमा नेपाली श्रमजीवि कामदार पठाउनका लागि विभिन्न खालको बाधा अड्चन आउने गरेको छ । अझ ति देशमा मान्छे पठाउँदा त्यसको अपनत्व सरकारले लिने कि व्यवसायीले लिने भन्ने द्घिविधा सिर्जना गरेको छ । यसलाई निराकरण गर्नु पनि आजको आवश्यकता हो । यसमा मसहितको नेतृत्वले व्यवसायीलाई हित हुनेगरी काम गर्नेछ भन्ने विश्वास दिलाउन चाहन्छु ।

तपाईले यसअघि संघको महासचिवको जिम्मेवारी निर्वाह गरिसक्नुभएको छ, व्यवसायहरुको समस्या के छ ? समाधान कसरी गर्न सकिएला ?

हो, म संघमा आउनुअघि प्रगतिशील वैदेशिक रोजगार व्यवसायी संघको अध्यक्ष भएर पनि काम गरिसकेको अनुभव संगालेको छु । म ति दुबै संघमा रहँदा व्यवसयाीहरुको हकहितको लागि मरिमेटेर काम गरेको व्यक्ति हुँ । यो कुरा आम व्यवसायीज्यूहरुलाई अवगत नै भएको कुरा हो । मुख्यतः म कुराभन्दा पनि काममा विश्वास गर्ने व्यक्ति भएकोले काम गरेरै मैले साथीहरुले उठाएका तमाम विषयको उत्तर दिने गरेको छु । मैले माथि नै उल्लेख गरिसके कि हामी परम्परागत रुपमा खाँडी मुलुकमा मात्र कामदार पठाईरहँदाखेरि मेरै अगुवाईमा युरोपियन मुलुकहरुमा पनि कामको माग डिमाण्ड गराउनुपर्छ र त्यसको लागि संभाव्यता अध्ययन गर्नुपर्छ भनेर लागेको थिए । त्यही कारण अहिले कतिपय युरोपियन देशमा नेपाली दाजुभाइ तथा दिदीबहिनीहरु गएर काम गरिराख्नुभएको समेत छ । तर, यही कामको लागि अहिले सरकारले पूर्ण रुपमा ठोस निर्णय नगरेकोले कतिपय देशमा नेपाली कामदारहरुलाई पठाउन पाईएको छैन । अब भने यो कामले पूर्णता पाउनेमा म ढुक्क छु । म यो काम गराएरै छोड्छु । यो मेरो अठोट हो ।

अन्त्यमा केही भन्न चाहनुहुन्छ कि ?

अन्त्यमा मेरो नेतृत्वमा नेपाल वैदेशिक रोजगार संघमा जुन टिम खडा भएको छ, हाम्रो हकहितको लागि अमूल्य मत दिनुहुन आम व्यवसायीज्यूहरुमाझ अपिल गर्न चाहन्छु । अर्को कुरा यो निर्वाचनमा हामी जो–जो प्रतिस्पर्धामा उत्रिएपनि हाम्रै साथीहरु नै हुनुहुन्छ । म मेरो प्रतिस्पर्धी मित्रहरुको बिरोध गरेर वा लाञ्छना लगाएर निर्वाचन जित्न चाहन्न । उहाँ पनि तपाई हामी माझ नै रहेर लामो समयदेखि व्यवसाय गरिरहनुभएको व्यक्तित्व नै हुनुहुन्छ । यो चुनावी मैदानमा हाामी केही दिनका लागि मात्र प्रतिस्पर्धी हौ । म त आफ्नो भिजन आफ्नो कार्यक्रम, आफ्ना योजनाहरु लिएर अगाडी आएको छु, तसर्थ राष्ट्रिय अन्तराष्ट्रिय स्तरमा आफ्ना विषयहरु, समस्याहरु प्रष्टताकासाथ राख्न सक्ने व्यक्ति को छ ? यो यहाँहरुले मूल्याङ्कन गर्ने विषय हो । विभिन्न कुटनीतिक नियोगहरुमा, विभिन्न मन्त्रालय र विभागहरुमा समन्वय गर्न सक्ने, विषयहरुलाई प्रष्टसँग ब्याख्या र विष्लेषण गरी विषयवस्तुको गांभीर्यता बुझ्न र बुझाउन सक्ने नेतृत्व कुन छ, यहाँहरुले मुल्या्कन गर्ने विषयहरु हो । यी कुरामा हरेक तवरले म सक्षम रहेको व्यवसायीज्यूहरुमाझ स्पष्ट पार्न चाहन्छु । अन्त्यमा फेरी यहाँहरुले मलाई बढीभन्दा बढी मत दिएर विजय गराउनुहुनेछ भन्ने विश्वास लिएको छु । धन्यवाद ।