संसदमा यस्तो वक्तव्य अलि सुहाएन कि नेता ज्यु : ईश्वरी सिहं
ईश्वरी सिहं
काङ्ग्रेस सांसद श्याम घिमिरे ज्यु तपाईंलाई कोटि कोटि नमस्कार तपाईंलाई जन्म दिने आमा नारी, तपाईंको लामो आयुको कामना गर्दै तिहारमा निधारमा सप्तरङ्गी टीका लगाइ दिने नारी,तपाईंलाई प्रेम गर्ने नारी,तपाईंसङ्ग बिवाह गर्ने नारी,तपाईंको पनि घरमा छोरी जन्मिएकी होलिन् उनी पनि नारी, यी सबै लगायत सम्पुर्ण नारी जातिलाइ अपमान गर्ने, नारीको शरीर बेचेको पैसाले आफ्नो पेट भर्ने तपाईंलाई दलालको उपनाम दिन मलाई अलिकती पनि असहज महशुस भएको छैन । संसद भवनको बक्तब्य सुनेर तपाईंको आमाले म बाँझ भएको भए हुन्थ्यो भन्दै होलिन् । तपाईंको दिदी बहिनिले माइतीको नाममा दलाल दाजुभाइ न भएको भए नि हुन्थ्यो भन्दै होलिन् । तपाईंको प्रेमिकाले नारिको अपमान गर्ने प्रेमी नभएको भए हुन्थ्यो भन्दै होलिन् । तपाईंको छोरि तपाईंसङ्ग नजिक बस्न डर मान्दै होलिन् । देशमा कलकारखाना खन्डहर बन्दै गएका छन् । किसानहरुले बजारमा उत्पादन गरेका वस्तुको मूल्य नपाएर समस्या भोग्दै छन् । गाउँमा जग्गाहरु बाँझो छन् । खोलानालाको पानी खेर जाँदै छ ।
जडिबुटीको ब्यवस्थापन हुन सकेको छैन । बेरोजगारिका कारण युवाहरु बिदेशिएका छन् । यी कुराहरुको समाधान कसरी गर्ने भन्ने तिर नलागेर पुरुषहरूले बिदेशमा रात दिन न भनि कमाएर पठाएको रेमिटेन्सले पनि नपुगेर अब नेपाली महिलाहरुको शरीर बेचेर कमाएको रकमले देशको अर्थ ब्यवस्था सुधार्ने तपाईंको बिचार सुन्दा अचम्म लागेको छ । जस्ले आफुले केही गर्न नसकेर चेलिबेटीको शरीर बेचेर खाने दलाल हो ।
देश बेचेर पुगेन ? युवाहरु बेचेर पुगेन ? नदिनाला बेचेर पुगेन ? संसद जस्तो गरिमामय स्थानमा बसेर हाम्रो धर्म र संस्कार बिपरित यौन धन्धाको बारेमा बोल्ने तपाईंको हिम्मत कसरी भयो ? तपाईंको संस्कार,नैतिक शिक्षा यहि हो ? नेपाली चेलीको अस्तित्व छैन र ? बिदेशीहरुको डलर सङ्ग चेलीबेटीको शरीर बेचौ भन्दा तपाईंलाई अलिकति शरम लागेन । ल ठिक छ नेपाली चेलीबेटीहरुको शरीर बेचेर देशको अर्थिक अवस्था सुधार्ने योजना नै हो भने सुरुवात तपाईंको घर बाट होस न त, कुनै घरको बाउ आमाले पनि चेलीबेटी बेचेर आय आर्जन गर्व खादैनन् । कि अर्काको घरको चेलीबेटीलाई यौन धन्धामा लगाएर नेताहरु पाल्ने ठेक्का तपाईंको हो ? तपाईंको यस्तो बक्तब्यको सम्पुर्ण नेपाली चेलीबेटीको तर्फबाट घोर बिरोध गर्दछु । नेपालको धर्म र संस्कार विरुद्ध तपाईंले बोल्नु भएको बक्तब्य प्रती सम्पुर्ण नेपाली चेलीबेटीको तर्फबाट घोर बिरोध छ । तपाईंले गरेको गल्ती प्रती यदि तपाईंले माफी मागेर नारी जातिको सम्मान गर्नु भएन भने तपाईंलाई हामीले छाडा छोड्दैनौ । यसलाई तपाईं चेतावनी ठान्नुस् वा धम्की जे सोच्नु छ सोच्नुस् ।
(लेखक पत्रकार हुनुहुन्छ)
