त्रिभुवन अन्तर्राष्ट्रिय विमानस्थलको उडान प्रभावित
प्रतिकूल मौसमले मुलुकको हवाई उडान प्रभावित भएको छ । मौसम प्रतिकुल भएपछि भिजिबिलिटी कमजोर हुँदा त्रिभुवन अन्तर्राष्ट्रिय विमानस्थलको उडान प्रभावित भएको हो । त्रिभुवन इन्टरनेशनल विमानस्थल सूचना अधिकारी तेज बहादुर पौडेलका अनुसार तीन वटा अन्तर्राष्ट्रिय जहाज ल्याण्ड हुन नसक्दा डाइभर्ट गरिएको छ ।
कतारको दोहाबाट आएको एयरवेज भारतको कोलकाता डाइभर्ट भएको छ । मलेसियाबाट आएको नेपाल एयरलाइन्स दिल्ली डाइभर्ट भएको छ भने चीनबाट आएको सिचुवान एयरलाइन्स ल्हासा डाइभर्ट भएको छ । त्यस्तै, भिजिबिलिटी कमजोर हुँदा आन्तरिक उडान पनि ठप्प भएकाे छ ।
