खाएको थालमा चुठ्नु राम्रो होइन : गोकुल बास्कोटा

हाम्रो इकोनोमि

 

 

नेकपा एमालेका नेता गोकुल बास्कोटाले पार्टी छाड्नेहरूप्रति व्यंग्य गर्दै खाएको थालमा चुठ्नु राम्रो नभएको टिप्पणी गरेका छन् । सामाजिक सञ्जालमा स्टाटस लेख्दै उनले पार्टी छाडेपछि सराप्ने संस्कार वाहियात भएको बताएका छन् । उनले लेखेका छन्, ‘मान्छेको वास्तविक परीक्षण सजिलो, स्वार्थपुर्ति र पदीय महत्वकांक्षामा होइन, संकट, त्याग र संघर्षको समयमा हुन्छ । आफ्नै लागि आउनेहरू आए सकेजति लाभ लिए र गए । हाईट र लाईट एमालेकै टोपी, धोती अनि गुन्यु चोली लगाएर बढाए । खाएको थालमा चुठ्नु राम्रो होइन, झन् गएपछि सराप्ने संस्कार वाहियात नै हो । आज बिहानमात्र नेपाल प्रहरीका पूर्वप्रमुख सर्वेन्द्र खनालले आज बिहान फेसबुकबाट एमाले छाडेको घोषणा गरेका थिए ।