भ्रष्टाचार निवारण ऐन संशोधन विधेयक संसदीय समितिबाट पारित
भ्रष्टाचार निवारण ऐनलाई संशोधन गर्न बनेको विधेयक संसदीय समितिबाट पारित भएको छ । प्रतिनिधिसभाको राज्य व्यवस्था तथा सुशासन समितिको बिहीबार बसेको बैठकले उपसमितिले तयार गरको प्रतिवेदनसहितको संशोधन विधेयक पारित भएको हो । समितिले नेपाली कांग्रेसका सांसद हृदयराम थानीको संयोजकत्वमा उपसमिति गठन गरेको थियो । उक्त समितिले प्रतिवेदनसहित समितिमा पेश गरेको विधेयक सर्वसम्मतबाट पारित भएको हो । समितिको बिहीबारको बैठकमा समितिका सभापति रामहरी खतिवडाले प्रतिवेदन सहितको संशोधन विधेयक पारित गरियोस् भन्ने प्रस्ताव गरेका थिए । त्यसपछि सबै समितिका सदस्यले ताली बजाउदैँ पारित गरेका हुन् । समितिबाट विधेयक पारित भएसँगै अब भ्रष्टाचार निवारण ऐन प्रतिनिधिसभामा पेश हुनेछ ।
