शेयर बजारमा हरियाली, करिब ३ अर्बको कारोबार
लगातार तेस्रो कारोबारका दिन पनि शेयर बजारमा हरियाली छाएको छ । साताको पहिलो दिन आइतबार पनि नेप्से परिसूचक २२.१० अंकले बढेर २०५१.६५ बिन्दुमा अडिएको हो । गत बुधबार ९ अंकले बढेको शेयर बजार साताको अन्तम कारोबारका दिन बिहीबार १३ अंके बढेर बन्द भएको थियो । त्यसलगत्तै आज आइतबार खुलेको बजार २२ अंकले बढेर बन्द भएको हो । यसदिन बजारमा ७० लाख ४३ हजार ४५७ कित्ता शेयरको खरिदबिक्री हुँदा २ अर्ब ९२ करोड २७ लाख ७१ हजार रुपैयाँको कारोबार भएको छ । आजाको कारोबारमा वीन नेपाल लघुवित्त वित्तीय संस्था र जल्पा सामुदायीक लघुवित्त वित्तीय संस्था लिमिटेडको सेयर सकारात्मक सकिर्टका सार्थ सार्वधिक नाफामा रहेका छन् भने चिरख्वा हाइड्रोपावर, पिपुल्स हाइड्रोपावर कम्पनी र जोशी हाइड्रोपावर डेभलपमेन्ट कम्पनीका लगानीकर्ताले सर्वाधिक गुमाएका छन् । त्यस्तै, कारोबारका आधारमा आज सिभम सिमेन्टस २२ करोड ९३ लाख रुपैयाँको कारोबारका साथ शिर्ष स्थानमा रहेको छ ।
